Foto: pexels.com
Senatta Qazaqstandaǵy jol qozǵalysyna qatysty zań aktilerine ózgerister qarastyrylyp jatyr – olardyń arasynda mas kúiinde kólik júrgizgenderge emtihan tapsyrýǵa tyiym salý bar.
"Ákimshilik quqyq buzýshylyq týraly kodekstiń 608-baby boiynsha alkogoldik, esirtkilik nemese ýytqumarlyq masań kúide kólik quralyn basqarǵany úshin nemese 613-bap boiynsha masańdyqty tekserýden jaltarǵany úshin ákimshilik jaýapkershilikke tartylǵan adamdarǵa kólik quralyn basqarý quqyǵyn alý úshin emtihan tapsyrýǵa 7 jáne 8 jylǵa deiin tyiym salynady", - delingen "Jol qozǵalysy týraly" zańǵa usynylǵan túzetýlerdiń birinde.
Sondai-aq kólik quraldarynyń "ortasha jyldamdyǵy" uǵymyn jáne ony esepteý tártibin engizý usynylady. Ortasha jyldamdyq kólik quraly júrip ótken halyqaralyq nemese respýblikalyq mańyzy bar jalpy paidalanymdaǵy joldyń uzyndyǵyn osy qashyqtyqty júrip ótken ýaqyt aralyǵyna bólý arqyly anyqtalatyn bolady.
Qylmystyq kodekske mopedterdi "basqa mehanikalyq kólik quraldary" uǵymyna engizýge qatysty túzetý usynylsa, "Jol qozǵalysy týraly" zańǵa mopedterdi mindetti memlekettik tirkeýge alý týraly túzetý engizý usynylyp otyr.
