Marjan Ákimjanova Prezident Is basqarýshysynyń orynbasary bolyp taǵaiyndaldy, - dep habarlaidy "Ult aqparat" Aqorda saityna silteme jasap.
"Memleket basshysynyń ókimi boiynsha, Marjan Ábdiiýsýpqyzy Ákimjanova Qazaqstan Respýblikasy Prezidenti Is basqarýshysynyń orynbasary bolyp taǵaiyndaldy, ol Qazaqstan Respýblikasy Prezidentiniń keńesshisi laýazymynan bosatyldy", - delingen habarlamada.
Marjan Ábdiiýsýpqyzy 1971 jyly 19 maýsymda Almaty oblysynda týǵan.
Qazaq memlekettik qyzdar pedagogikalyq institýtyn bitirgen (1999).
Eńbek joly: Qazaqstan Respýblikasy Ǵylym Akademiiasynyń mehanika jáne mashinataný institýtynyń zerthanashysy, sharýashylyq meńgerýshisi, kadr bóliminiń inspektory (1991-1993); Qazaqstan Respýblikasy Joǵarǵy Keńesiniń redaktsiialyq-baspa bóliminiń mamany (1993-1995); Qazaqstan Respýblikasy Ministrler Kabineti Apparatynyń Ishki saiasat bóliminiń mamany (1995); Qazaqstan Respýblikasy Úkimeti Apparatynyń Aýmaqtyq damý bóliminiń mamany (1995-1997); Qazaqstan Respýblikasy Prezidenti baspasóz qyzmetiniń aǵa mamany, referenti, aǵa referenti, sarapshysy, aǵa sarapshysy, bas sarapshysy, konsýltanty, sektor meńgerýshisi (1997-2012); Qazaqstan Respýblikasy Prezidenti Baspasóz hatshysynyń orynbasary (2012-2021).
2021 jylǵy aqpannan bastap Qazaqstan Respýblikasy Prezidentiniń keńesshisi qyzmetin atqaryp keldi.
«Qurmet» ordenimen, «Eren eńbegi úshin» medalimen jáne Prezident Ákimshiliginiń «Minsiz qyzmeti úshin» tósbelgisimen marapattalǵan.
