Memleket basshysynyń ókimimen Ákimjanova Marjan Ábdijúsipqyzy Qazaqstan Respýblikasy prezidentiniń keńesshisi bolyp taǵaiyndaldy, dep habarlaidy Aqordanyń baspasóz qyzmeti.
Marjan Ákimjanovanyń qai salany qadaǵalaityny naqty aitylmaǵan.
2016 jyly Marjan Ákimjanova Qazaqstan prezidentiniń baspasóz hatshysynyń orynbasary bolǵan jáne "Qurmet" ordenimen marapattalǵany belgili.
Ol ár jyldary Qazaqstan Respýblikasy prezidentiniń baspasóz qyzmetiniń jetekshisi, prezident hattamasynyń keńesshisi bolyp jumys istedi.
Aita keteiik, Ákimjanova Tamara Dúisenovadan keiingi Qazaqstan prezidentiniń keńesshisi atanǵan ekinshi áiel boldy.
Basqa da taǵaiyndaýlar
Sonymen qatar, Toqaev Qazaqstannyń qarjylyq monitoring agenttigi tóraǵasynyń úsh orynbasaryn taǵaiyndady.
Agenttik tóraǵasynyń birinshi orynbasary bolyp Ermek Ospanov, al tóraǵa orynbasary laýazymyna Jeńis Elemesov pen Ulan Raisov taǵaiyndaldy, – delingen aqparatta.
