Ǵalymdar Marstan tirshiliktiń kózi - sýdyń tabylǵanyn jariia etti, dep habarlaidy BBC News.
20 shaqyrymǵa sozylǵan kól ǵalamshardyń ońtústik poliýsinde ornalasqan jáne onyń betin qalyń muz jaýyp jatqan kórinedi.
Bul jańalyq «Mars-ekspress» planetaralyq stansasynda ornatylǵan Marsis radarynyń kómegimen belgili bolǵan.
Budan buryn zertteýshiler Marstyń betinde keide erigen muzdyqtardyń sýlary jatatynyn boljaǵan edi. Alaida, Qyzyl planetada udaiy sýyq sý rezervýarynyń bar ekenine alǵash ret negiz paida boldy.
NASA-nyń «Kiýriositi» qurylǵysy planetanyń betinen kepken kóldi taýyp, buryn Marsta sý bolǵanyn dáleldegen edi. Alaida, odan beri planetadaǵy temperatýra aitarlyqtai tómendep, sýdyń kóp bóligi muzǵa ainaldy.
«Ol shaǵyn kól bolýy múmkin», - dedi zertteý jetekshisi, Italiia ulttyq astrofizika institýtynyń professory Roberto Orosei.
Radar muz jamylǵysynyń qalyńdyǵyn eseptei alǵan joq, alaida ǵalymdar bir metrden az emes dep boljam jasaýda.
