Belgili kompozitor marqum Arman Dúisenov pen onyń arada bir jyl ótkende jumbaq jaǵdaida qaza tapqan tuńǵysh uly Abylai Dúisenovtiń ólimine qatysty tyń derekter shyqty, dep habarlaidy ult.kz Politico.kz basylymyna silteme jasap.
Kompozitordyń jubaiy Aisulý Aidanqyzy ulynyń ózine qol saldy degenge senbeitinin bildirip, jýrnalist Rýslan Ótepbaiǵa bergen suhbatynda Bas prokýror Berik Asylovtan kómek surady.
"Daýǵa salynǵan páterimizdi sot arqyly qaitaryp aldyq. Biraq ekinshi tarap ol sheshimmen kelispei, Joǵarǵy sotqa shaǵym túsirdi. Sot otyrysy 11 tamyzǵa belgilengen. Meniń qazirgi kómek surap otyrǵanym – ulymnyń ólimine qatysty is. Tergeýshiler «Abylai ózine qol jumsaǵan» dep isti jaýyp tastaǵan. Ulyma eki dosy qomaqty aqsha qaryz edi, olar «qaitardyq» degenimen, eshqandai dálel qaǵazdary joq. Tipti ulymnyń telefonyn alǵanda sońǵy eki aidaǵy jazbalar óshirilip ketken", – dedi Aisulý Aidanqyzy.
Anasynyń aitýynsha, táýelsiz sarapshylardyń qorytyndysy tergeý nusqasyna múlde qaishy kelip otyr.
"Biz sarapshylarǵa qaitadan ekspertiza jasattyq. Olar «adam eki qoly artyna bailanǵan kúide sýitsid jasai almaidy» degen qorytyndy berdi. Sol qorytyndy negizinde isti basqa bappen qaita qozǵatqymyz keledi. Biraq meniń sózime qulaq asyp jatqan ne tergeýshi, ne prokýror joq. Daýsymyzdy eshkim estimeidi. Sol sebepti Berik Asylovtan kómek suraimyn", – dep túiindedi marqumnyń anasy.
