بەلگٸلٸ كومپوزيتور مارقۇم ارمان دٷيسەنوۆ پەن ونىڭ ارادا بٸر جىل ٶتكەندە جۇمباق جاعدايدا قازا تاپقان تۇڭعىش ۇلى ابىلاي دٷيسەنوۆتٸڭ ٶلٸمٸنە قاتىستى تىڭ دەرەكتەر شىقتى, دەپ حابارلايدى ult.kz Politico.kz باسىلىمىنا سٸلتەمە جاساپ.
كومپوزيتوردىڭ جۇبايى ايسۇلۋ ايدانقىزى ۇلىنىڭ ٶزٸنە قول سالدى دەگەنگە سەنبەيتٸنٸن بٸلدٸرٸپ, جۋرناليست رۋسلان ٶتەپبايعا بەرگەن سۇحباتىندا باس پروكۋرور بەرٸك اسىلوۆتان كٶمەك سۇرادى.
"داۋعا سالىنعان پەتەرٸمٸزدٸ سوت ارقىلى قايتارىپ الدىق. بٸراق ەكٸنشٸ تاراپ ول شەشٸممەن كەلٸسپەي, جوعارعى سوتقا شاعىم تٷسٸردٸ. سوت وتىرىسى 11 تامىزعا بەلگٸلەنگەن. مەنٸڭ قازٸرگٸ كٶمەك سۇراپ وتىرعانىم – ۇلىمنىڭ ٶلٸمٸنە قاتىستى ٸس. تەرگەۋشٸلەر «ابىلاي ٶزٸنە قول جۇمساعان» دەپ ٸستٸ جاۋىپ تاستاعان. ۇلىما ەكٸ دوسى قوماقتى اقشا قارىز ەدٸ, ولار «قايتاردىق» دەگەنٸمەن, ەشقانداي دەلەل قاعازدارى جوق. تٸپتٸ ۇلىمنىڭ تەلەفونىن العاندا سوڭعى ەكٸ ايداعى جازبالار ٶشٸرٸلٸپ كەتكەن", – دەدٸ ايسۇلۋ ايدانقىزى.
اناسىنىڭ ايتۋىنشا, تەۋەلسٸز ساراپشىلاردىڭ قورىتىندىسى تەرگەۋ نۇسقاسىنا مٷلدە قايشى كەلٸپ وتىر.
"بٸز ساراپشىلارعا قايتادان ەكسپەرتيزا جاساتتىق. ولار «ادام ەكٸ قولى ارتىنا بايلانعان كٷيدە سۋيتسيد جاساي المايدى» دەگەن قورىتىندى بەردٸ. سول قورىتىندى نەگٸزٸندە ٸستٸ باسقا باپپەن قايتا قوزعاتقىمىز كەلەدٸ. بٸراق مەنٸڭ سٶزٸمە قۇلاق اسىپ جاتقان نە تەرگەۋشٸ, نە پروكۋرور جوق. داۋسىمىزدى ەشكٸم ەستٸمەيدٸ. سول سەبەپتٸ بەرٸك اسىلوۆتان كٶمەك سۇرايمىن", – دەپ تٷيٸندەدٸ مارقۇمنىڭ اناسى.
