QR Úkimetiniń Qaýlysymen Marhabat Jaiymbetuly Jaiymbetov bergen ótinishine sáikes Qazaqstan Respýblikasy Indýstriia jáne infraqurylymdyq damý ministrliginiń Qurylys jáne turǵyn úi-kommýnaldyq sharýashylyq isteri komitetiniń tóraǵasy qyzmetinen bosatyldy, dep habarlaidy "Ult aqparat" úkimettiń resmi saityna silteme jasap.
Marhabat Jaiymbetov 1965 jyly Qyzylorda oblysynda týǵan. KSRO Melioratsiia jáne sý sharýashylyǵy ministrliginiń Qyzylorda politehnikýmyn, Volgograd aýyl sharýashylyǵy institýtyn, Qorqyt ata atyndaǵy Qyzylorda memlekettik ýniversitetin, Iork ýniversitetin bitirgen. Eńbek jolyn energetik bolyp bastaǵan, basshylyq qyzmetter atqarǵan, Qyzylorda oblysy ákiminiń orynbasary, Qyzylorda qalasynyń ákimi, Aral aýdanynyń ákimi, QR Prezident Ákimshiliginiń memlekettik inspektory boldy. Sońǵy jyldary Qazaqstan Respýblikasy Indýstriia jáne infraqurylymdyq damý ministrliginiń Qurylys jáne turǵyn úi-kommýnaldyq sharýashylyq isteri komitetiniń tóraǵasy qyzmetin atqardy.
