Taiaý kúnderi Facebook saitynyń jańa dizainy paida bolady. Bul jaily osy áleýmettik jeliniń negizin qalaýshy Mark Tsýkerbergtiń ózi málim etti, dep habarlaidy QazAqparat.
«Facebook-tiń jańa dizainy - áldeqaida qarapaiym. Jalpy aitqanda, biz tutynýshylardyń izdegenin ońai tabýyn jeńildetip, jii qoldanylatyn tetikterdi usynatyn bolamyz», - dedi Mark Tsýkerberg Kaliforniiada ótken konferentsiia barysynda.
Áleýmettik jelini oilap tabýshynyń aitýynsha, keibir jańartylǵan qyzmetter Facebook-tiń mobildi qoldanbalaryna engizilip úlgergen, al kompiýterlerge arnalǵan nusqasy aldaǵy ýaqytta paida bolady.
Sondai-aq, áleýmettik jeli 15 jyl kóleminde qoldanylyp kelgen kók tústi fonnan bas tartpaqshy. Jańa nusqada aq tús fon retinde tańdalynbaq.
Facebook áleýmettik jelisin 2004 jyly Mark Tsýkerberg jáne onyń grýppalastary oilap tapty. Iri áleýmettik jeli tutynýshylarynyń sany búginde 2 mlrd-tan astam. Onyń qyzmetin kún saiyn 1 mlrd adam qoldanady.
