Facebook áleýmettik jelisiniń negizin qalaýshy Mark Tsýkerberg Facebook Inc kompaniiasynyń aktsiialary kúrt tómendeýi saldarynan 16,8 mlrd AQSh dollary mólsherinde ziian shekti. Bul týraly beisenbiniń tańynda Bloomberg agenttigi habarlady, dep jazady QazAqparat.
Feisbýk aktsiialary buryn-sońdy bulai quldyrap kórgen emes. Niý-Iorkte sársenbi kúngi saýdalardyń qorytyndylaryna orai, jeliniń aktsiialary 20 paiyzǵa arzandaǵan.
Kaliforniiada ornalasqan Menlo Park kompaniiasy ókilderiniń málimdeýinshe, ekinshi toqsandaǵy tabys sarapshylardyń boljamynan birshama az bolyp, 13 mlrd dollardy quraǵan. Budan tys, paidalanýshylardyń bir táýlikte Feisbýkke kirý kórsetkishi de boljamnan tómen bolǵan.
Bloomberg agenttigi, eger beisenbi kúngi saýda-sattyqta Facebook Inc aktsiialarynyń baǵasy kóterilmese, Tsýkerberg álemdegi eń bai adamdar tizimindegi úshinshi ornynan aiyrylyp, altynshy satyǵa syrǵitynyn joramaldap otyr.
