QR BǴM Ǵylym komitetiniń Á. Marǵulan atyndaǵy Arheologiia institýtynyń bas direktory bolyp Aqan Ońǵaruly taǵaiyndaldy. Bul týraly Ǵylym komiteti habarlady.
Ǵylym komitetiniń tóraǵasy Janna Qurmanǵalieva Á.H. Marǵulan atyndaǵy Arheologiia institýtynyń ujymymen kezdesý ótkizip, Konkýrstyq komissiianyń sheshimi boiynsha jańadan taǵaiyndalǵan institýttyń bas direktory Aqan Ońǵarulyn tanystyrdy.
Aqan Ońǵaruly 41 jasta. Tarih ǵylymdarynyń kandidaty, ejelgi tarih, arheologiia jáne mádeniet salasyndaǵy otandyq jáne halyqaralyq ǵylymi jobalardy tabysty júzege asyryp kele jatqan belgili ǵalym.
Óziniń eńbek jolyn Á.H. Marǵulan atyndaǵy Arheologiia institýtynyń qabyrǵasynan bastaǵan, Institýttyń Nur-Sultan qalasyndaǵy filialyna basshylyq jasaǵan jáne sońǵy ýaqytqa deiin Qazaqstan Respýblikasy Ulttyq mýzeiiniń «Halyq qazynasy» ǴZI basqaryp keldi.
Keshendi arheologiialyq ekspeditsiialardyń jetekshisi retinde úlken tájiribesi bar.
Germaniia, Japoniia jáne Egipettiń jetekshi ǵylymi ortalyqtarynda ǵylymi taǵylymdamadan ótken. Qazaqstan jáne shetelde jariialanǵan kóptegen ǵylymi maqalalardyń avtory.
Komitet tóraǵasy Institýt direktory men ujymy aldyna jańa mindetter qoidy.
