2017 jyldyń basynda memleketimizdiń ideologiialyq saiasatyna jaýapty salada kadrlyq ózgerister bolyp, ishki saiasatqa jaýapty Baǵlan Mailybaev qyzmetten alastatylyp, keiinnen memleketke opasyzdyq jasady degen aiyppen 5 jylǵa sottaldy. Al onyń ornyna, sońǵy 3 jyl Reseide elshi bolǵan, tájiribeli saiasatker, kásibi áleýmettanýshy Marat Tájin taǵaiyndaldy.
Baǵalan Mailybaev Prezident Ákimshilgi basshysynyń birinshi orynbasary qyzmetin 5 jyldyń asa ýaqyt atqardy. Osy ýaqyt ishinde aqparattyq ideologiialyq keńistik destrýktivty kúshterdiń qolyna ótip, saiasi retteý tetikteri isten shyǵyp, Qazaqstannyń ishki saiasi protsessi búlikke búline jazdady. Azamattyq qoǵam men oppozitsiialyq kúshterdiń arasy ajyratylmai, bilik pen qazaq qoǵamy arasynda antagonizm oryn aldy. Ideologiiaǵa fýndamentalist radikaldar aralasty. Sonyń saldarynan Prezident Nazarbaevtyń basty jetistikteriniń biri — qoǵamdyq turaqtylyqqa qaýip tóndi. Beinelep aitsaq “máńgilik elde” ideologiialyq daǵdarys bastaldy.
Tájin bir jyl ishinde Mailybaevtardyń bylyǵynan qutylýmen qatar ideologiialyq júie qurýmen ainalysty. Aqparattyq keńistik jat ideologiialyq nasihattan azat etilip, ritorika ózgerdi. Aqparattyq qaýipsizdikke negiz paida boldy. Aqparattyq keńistik jańa satyǵa shyǵyp, turaqtylyqtyń negizi bolyp sanalatyn bilik pen qoǵam arasyndaǵy dialog bastaldy, onyń aiqyn kórinisi ”Qazaqstan” arnasynyń tikelei efirinde saiasi tok-shoý júrip, saiasi oppozitsiia men qoǵamnyń reprezentativty ókilderiniń túrli taqyryptarǵa bailanysty pikirlerin bildiretin boldy. Oppozitsiianyń bedeldi de printsipshil ókilderi Prezident Nazarbaev kórsetken Memleketti damytý vektorynyń ideologiialyq reformasyn ashyq qoldady. Radikaldarmen radikaldy jumys júre bastady, destrýktivti kúshterdiń yqpal etý keńistigine jol jabyldy.
Marat Tájinniń oralýymen memlekettiń basty ideologiialyq shtaby – Prezident Ákimshiliginen bastap jergilikti ákimdikterge deiingi memlekettiń búkil ideologiialyq aktiviniń sapasy jańa deńgeige kóterildi. Prezident Ákimshiligi memlekettik saiasi sheshim qabyldaý ortalyǵyna ǵana emes, sonymen qatar, jańa kún tártibin anyqtap, iske asyrýyn qadaǵalaýshy, úilestirýshi ortalyqqa ainaldy. Marat Tájin Prezident Nazarbaev qurǵan memlekettik saiasi júieniń jańa jaǵdaidaǵy ideologiiasyn qurdy.
Tájinniń saiasi filosofiiasynyń kontseptsiiasy nátijeli ekenin sarapshylar moiyndady. Naǵyz nátijeli ideologiianyń maqsaty – ultty jumyldyryp oǵan baǵyt kórsetý bolyp tabylady. Osy turǵydan, Tájinniń ideologiiasy tek memlekettik institýttardy kúsheitip qoiǵan joq, ol memlekettilikti kúsheite aldy. Bul Tájinniń qysqa ǵana ýaqyt ishinde jasaǵan eńbegi.
Abylai Sársenbaev,
saiasattanýshy
