QR QM Memlekettik kirister komitetiniń tóraǵasy Marat Sultanǵaziev údemeli salyq júiesine qatysty túsinik berdi, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihatynda údemeli salyq júiesine qatysty suraq qoiyldy.
«Progressivti salyq tóleý shkalasy qabyldanǵan joq. Ony jappai deklaratsiialaýmen bailanystyramyz. Óitkeni úlken táýekelder bar. Eger salyqtyń mólsheri ósse, onda tólemnen jaltarý jaǵdaiy bastalýy yqtimal. Sondyqtan tiisti sheshim qabyldanǵan edi. Sáikesinshe, aldymen jappai deklaratsiialaýdy iske asyrý eskerilgen», - dedi M. Sultanǵaziev.
Osy oraida ol údemeli salyq júiesin engizý merzimine qatysty toqtaldy.
«Tórt kezeńge bólingen, aldymen, memlekettik qyzmetshiler, odan keiin kvazimemlekettik sektor, biznes ókilderi qamtylǵan. Ár kezeń saiyn taldaý júrgiziledi. Deklaratsiialaýdyń tórt kezeńi aiaqtalǵannan soń, progressivtik shkala qarastyrylady», - dedi komitet basshysy.
