Qazaqstan Respýblikasy Úkimetiniń qaýlysymen Marat Eleýsizuly Sultanǵaliev buǵan deiin atqarǵan qyzmetinen bosatyla otyryp, Qazaqstan Respýblikasynyń birinshi qarjy vitse-ministri laýazymyna taǵaiyndaldy. Bul týraly QR Premer-Ministriniń baspasóz qyzmeti habarlaidy.
Marat Sultanǵaziev 1976 jyly Almaty oblysynda dúniege kelgen.
Abai atyndaǵy Almaty memlekettik ýniversitetin, Qazaq memlekettik zań akademiiasyn, T. Rysqulov atyndaǵy Qazaq ekonomikalyq ýniversitetin támamdaǵan.
Eńbek jolyn 1997 jyly Salyq bóliminiń zańdy tulǵalardy tekserý bóliminiń birinshi sanatty mamany bolyp bastaǵan.
1998-2001 jyldary Almaty qalasy boiynsha Salyq komitetiniń salyq inspektory, aǵa salyq inspektory, jetekshi salyq inspektory, bas maman – bas salyq inspektorynyń m. a. bolyp jumys istegen.
2001-2010 jyldary Almaty qalasy boiynsha Salyq komitetinde jumysyn jalǵastyrǵan, Almaty qalasy boiynsha Salyq departamenti basshysynyń orynbasary bolyp jumys istegen.
2010-2012 jyldary QR Qarjy ministrliginde basshylyq qyzmetterdi atqarǵan.
2012-2014 jyldary — QR Prezidenti Ákimshiliginiń Áleýmettik-ekonomikalyq monitoring bóliminiń sektor meńgerýshisi.
2014-2017 jyldary — QR Qarjy ministrligi Memlekettik kirister komitetiniń Almaty qalasy boiynsha Memlekettik kirister departamentiniń basshysy.
2017 jylǵy maýsymnan 2018 jylǵy qazanǵa deiin QR Prezidenti Ákimshiliginiń Áleýmettik–ekonomikalyq monitoring bólimi meńgerýshisiniń orynbasary qyzmetin atqardy.
