Marat Iǵali Aqmola oblysynyń ákimi Málik Myrzalinniń keńesshisi tolyp taǵaiyndaldy. Bul jaiynda ol óziniń Feisbýktegi paraqshasynda jazdy, dep habarlaidy "Ult aqparat".
«Memlekettik qyzmetke aýysyp, Aqmola oblysynyń ákimi Málik Myrzalinniń týrizm máseleleri jónindegi keńesshisi boldym. Týristik salasyn damytýdyń barlyq máseleleri boiynsha ádettegidei táýligine 24 saǵat jýrnalistermen, respýblikanyń jáne óńirlerdiń týristik qoǵamtastyqtarmen yntymaqtastyqqa daiynmyn. Jospar kóp. Oqiǵalar barysy týraly qulaǵdar etip otyramyn», - dep jazdy ol.
Aita keteiik, Marat Iǵali jańa qyzmetke taǵaiyndalǵanǵa deiin «Qazkontent» AQ tóraǵasynyń orynbasary boldy. Oǵan deiin Aqtóbe oblysy ákimi apparatynyń basshysy, QR Qorshaǵan ortany qorǵaý ministriniń keńesshisi, QR Indýstriia jáne jańa tehnologiialar ministrligi Týrizm indýstriiasy komitetiniń tóraǵasy jáne QR Premer-Ministri orynbasarynyń keńesshisi, QR Investitsiialar jáne damý ministrligi Týrizm departamentiniń direktory qyzmetterin atqardy.
