Eýropalyq quqyq jáne adam quqyqtary institýtynyń direktory Marat Báshimov Ulttyq qoǵamdyq senim keńesi músheleriniń Májiliske depýtat bolǵanyn qoldaitynyn jetkizdi, dep habarlaidy QazAqparat.
«Bul tizimniń maǵan unaǵan tusy – jastardyń Májiliske kóptep kelýi. Burynǵy quramdarda zeinetkerler, eki-úsh shaqyrylymda depýtat bolǵandar kóp bolatyn. Májiliste otyrǵanymen naqty másele kótermeitin úndemes depýtattar da bar edi. Shynymdy aitsam, sondailarǵa kóńilim tolmaityn. Endi qazir qarasańyz, elge tanylǵan birshama jastar bar eken. Tizimge azamattardyń birazynyń kirgenin pozitivti jańalyq retinde qarsy aldym. Ásirise Ulttyq keńes músheleriniń Májiliske barǵanyn qoldaimyn. Berik Ábdiǵaliuly, Aidos Sarym, Erlan Saiyrov qatarly azamattardyń Ulttyq keńes quramynda da birshama eńbek etkeni belgili. 30 paiyzdyq kvota jaǵy da eskerilip, jastar men áielderdiń Májilis quramynda burynnan qaraǵanda kóbirek bolǵanyn da atap ótý kerek», - dedi Marat Báshimov QazAqparat tilshisine telefon arqyly bildirgen pikirinde.
Eske sala ketsek búgin «Nur Otan» partiiasy Saiasi keńesi Biýrosynyń sheshimimen 76 kandidattan turatyn tizim bekitilgen bolatyn . Depýtattyqqa kandidattardyń 7-ýi ǵana burynǵy memlekettik qyzmetker, iaǵni Fraktsiia quramynda olardyń sany 10%-ten aspaidy.
