ەۋروپالىق قۇقىق جەنە ادام قۇقىقتارى ينستيتۋتىنىڭ ديرەكتورى مارات بەشٸموۆ ۇلتتىق قوعامدىق سەنٸم كەڭەسٸ مٷشەلەرٸنٸڭ مەجٸلٸسكە دەپۋتات بولعانىن قولدايتىنىن جەتكٸزدٸ, دەپ حابارلايدى قازاقپارات.
«بۇل تٸزٸمنٸڭ ماعان ۇناعان تۇسى – جاستاردىڭ مەجٸلٸسكە كٶپتەپ كەلۋٸ. بۇرىنعى قۇرامداردا زەينەتكەرلەر, ەكٸ-ٷش شاقىرىلىمدا دەپۋتات بولعاندار كٶپ بولاتىن. مەجٸلٸستە وتىرعانىمەن ناقتى مەسەلە كٶتەرمەيتٸن ٷندەمەس دەپۋتاتتار دا بار ەدٸ. شىنىمدى ايتسام, سوندايلارعا كٶڭٸلٸم تولمايتىن. ەندٸ قازٸر قاراساڭىز, ەلگە تانىلعان بٸرشاما جاستار بار ەكەن. تٸزٸمگە ازاماتتاردىڭ بٸرازىنىڭ كٸرگەنٸن پوزيتيۆتٸ جاڭالىق رەتٸندە قارسى الدىم. ەسٸرٸسە ۇلتتىق كەڭەس مٷشەلەرٸنٸڭ مەجٸلٸسكە بارعانىن قولدايمىن. بەرٸك ەبدٸعاليۇلى, ايدوس سارىم, ەرلان سايىروۆ قاتارلى ازاماتتاردىڭ ۇلتتىق كەڭەس قۇرامىندا دا بٸرشاما ەڭبەك ەتكەنٸ بەلگٸلٸ. 30 پايىزدىق كۆوتا جاعى دا ەسكەرٸلٸپ, جاستار مەن ەيەلدەردٸڭ مەجٸلٸس قۇرامىندا بۇرىننان قاراعاندا كٶبٸرەك بولعانىن دا اتاپ ٶتۋ كەرەك», - دەدٸ مارات بەشٸموۆ قازاقپارات تٸلشٸسٸنە تەلەفون ارقىلى بٸلدٸرگەن پٸكٸرٸندە.
ەسكە سالا كەتسەك بٷگٸن «Nur Otan» پارتيياسى ساياسي كەڭەسٸ بيۋروسىنىڭ شەشٸمٸمەن 76 كانديداتتان تۇراتىن تٸزٸم بەكٸتٸلگەن بولاتىن . دەپۋتاتتىققا كانديداتتاردىڭ 7-ۋٸ عانا بۇرىنعى مەملەكەتتٸك قىزمەتكەر, ياعني فراكتسييا قۇرامىندا ولاردىڭ سانى 10%-تەن اسپايدى.
