Tanymal saiasattanýshy Marat Bashimov beibit jiyndar ótkizýge mamandandyrylǵan oryn belgileýge qatysty pikir bildirdi, dep habarlaidy QazAqparat.
«Biz úshin eń bastysy - Azamattyq jáne saiasi quqyq týraly halyqaralyq pakti men QR Konstitýtsiianyń júzege asyrylýy. Óz quqyǵyńdy júzege asyrý, bul rette jiyn ótkizý kezinde ózge tulǵalardyń quqyqtaryna nuqsan kelmeýi tiistigin jii esten shyǵaryp alamyz. Konstitýtsiiada naqty quqyqtyq printsip bekitilgen. Sondyqtan da zań jobasy jiyn ótkizý quqyǵy bolǵanymen ózge tulǵalardyń quqyqtaryna nuqsan keltirilmeýi úshin talqylanyp otyr», - dedi Marat Bashimov «Qazaqstan Respýblikasynda beibit jiyndar, sherý, piketter, demonstratsiialyq jinalystardy ótkizý men uiymdastyrý tártibi týraly» zań jobasyn qoǵamdyq tyńdaý barysynda.
Onyń atap ótýinshe, kez kelgen jerde ruqsat etilmegen jiynnyń ótýi qala turǵyndarynyń qozǵalysyna jii qolaisyzdyq týdyryp jatady.
«Kóshelerdi jaýyp tastaǵan sáttiń ózimizge óte qolaisyz bolatyndyǵyn jaqsy bilesizder. Máselen, elordada sol jaǵalaýdy oń jaǵalaýmen negizinen 2 kóshe jalǵap jatyr. Eger osy eki kósheni jaýyp tastasa bolǵany keptelis paida bolady. Al arnaiy oryn belgilengende jaǵdai jasalady. Buǵan qosa, oryn kólik infraqurylymy eskerile otyryp qalanyń ortasynan berilmek», - dedi saiasattanýshy.
Sonymen qatar ol beibit jiyn ótetin orynnyń naqty qai jer ekendiginiń belgisizdigi jýrnalister jumysyna da qolaisyzdyq týdyratyndyǵyna nazar aýdartty.
«Ózim de jýrnalispin. Beibit jiyn ótetin oryn belgilengen bolsa, onda bul bizdiń jumysymyzǵa óte qolaily. Naqty orynnyń bolmaýy qiyndyqtar týyndatady. Tipti olardy izdep tabýdyń ózi qiynǵa soǵady. Búginde jýrnalister úshin jedeldik óte mańyzdy», - dedi ol.
Aita keterligi, qoǵamdyq talqylaý barysynda QR Aqparat jáne qoǵamdyq damý vitse-ministri Daniiar Esin zań jobasynda beibit jiyndardy shetki aimaqtan emes, mamandandyrylǵan oryndarda, sonymen qatar máslihat quziretimen bekitilgen oryndarda ótkizý kózdeletindigin aitqan edi.
