تانىمال ساياساتتانۋشى مارات باشيموۆ بەيبٸت جيىندار ٶتكٸزۋگە مامانداندىرىلعان ورىن بەلگٸلەۋگە قاتىستى پٸكٸر بٸلدٸردٸ, دەپ حابارلايدى قازاقپارات.
«بٸز ٷشٸن ەڭ باستىسى - ازاماتتىق جەنە ساياسي قۇقىق تۋرالى حالىقارالىق پاكتٸ مەن قر كونستيتۋتسييانىڭ جٷزەگە اسىرىلۋى. ٶز قۇقىعىڭدى جٷزەگە اسىرۋ, بۇل رەتتە جيىن ٶتكٸزۋ كەزٸندە ٶزگە تۇلعالاردىڭ قۇقىقتارىنا نۇقسان كەلمەۋٸ تيٸستٸگٸن جيٸ ەستەن شىعارىپ الامىز. كونستيتۋتسييادا ناقتى قۇقىقتىق پرينتسيپ بەكٸتٸلگەن. سوندىقتان دا زاڭ جوباسى جيىن ٶتكٸزۋ قۇقىعى بولعانىمەن ٶزگە تۇلعالاردىڭ قۇقىقتارىنا نۇقسان كەلتٸرٸلمەۋٸ ٷشٸن تالقىلانىپ وتىر», - دەدٸ مارات باشيموۆ «قازاقستان رەسپۋبليكاسىندا بەيبٸت جيىندار, شەرۋ, پيكەتتەر, دەمونستراتسييالىق جينالىستاردى ٶتكٸزۋ مەن ۇيىمداستىرۋ تەرتٸبٸ تۋرالى» زاڭ جوباسىن قوعامدىق تىڭداۋ بارىسىندا.
ونىڭ اتاپ ٶتۋٸنشە, كەز كەلگەن جەردە رۇقسات ەتٸلمەگەن جيىننىڭ ٶتۋٸ قالا تۇرعىندارىنىڭ قوزعالىسىنا جيٸ قولايسىزدىق تۋدىرىپ جاتادى.
«كٶشەلەردٸ جاۋىپ تاستاعان سەتتٸڭ ٶزٸمٸزگە ٶتە قولايسىز بولاتىندىعىن جاقسى بٸلەسٸزدەر. مەسەلەن, ەلوردادا سول جاعالاۋدى وڭ جاعالاۋمەن نەگٸزٸنەن 2 كٶشە جالعاپ جاتىر. ەگەر وسى ەكٸ كٶشەنٸ جاۋىپ تاستاسا بولعانى كەپتەلٸس پايدا بولادى. ال ارنايى ورىن بەلگٸلەنگەندە جاعداي جاسالادى. بۇعان قوسا, ورىن كٶلٸك ينفراقۇرىلىمى ەسكەرٸلە وتىرىپ قالانىڭ ورتاسىنان بەرٸلمەك», - دەدٸ ساياساتتانۋشى.
سونىمەن قاتار ول بەيبٸت جيىن ٶتەتٸن ورىننىڭ ناقتى قاي جەر ەكەندٸگٸنٸڭ بەلگٸسٸزدٸگٸ جۋرناليستەر جۇمىسىنا دا قولايسىزدىق تۋدىراتىندىعىنا نازار اۋدارتتى.
«ٶزٸم دە جۋرناليسپٸن. بەيبٸت جيىن ٶتەتٸن ورىن بەلگٸلەنگەن بولسا, وندا بۇل بٸزدٸڭ جۇمىسىمىزعا ٶتە قولايلى. ناقتى ورىننىڭ بولماۋى قيىندىقتار تۋىنداتادى. تٸپتٸ ولاردى ٸزدەپ تابۋدىڭ ٶزٸ قيىنعا سوعادى. بٷگٸندە جۋرناليستەر ٷشٸن جەدەلدٸك ٶتە ماڭىزدى», - دەدٸ ول.
ايتا كەتەرلٸگٸ, قوعامدىق تالقىلاۋ بارىسىندا قر اقپارات جەنە قوعامدىق دامۋ ۆيتسە-مينيسترٸ دانييار ەسين زاڭ جوباسىندا بەيبٸت جيىنداردى شەتكٸ ايماقتان ەمەس, مامانداندىرىلعان ورىنداردا, سونىمەن قاتار مەسليحات قۇزٸرەتٸمەن بەكٸتٸلگەن ورىنداردا ٶتكٸزۋ كٶزدەلەتٸندٸگٸن ايتقان ەدٸ.
