2021 jylǵy 21 mamyrda Almaty qalasy Dostyq Úiinde Qazaqstan halqy Assambleiasy tóraǵasynyń orynbasary Marat Ázilhanov Almaty qalasy jastar uiymdarynyń kóshbasshylary jáne belsendilermen kezdesti, dep habarlaidy "Ult aqparat".
Qazaqstan halqy Assambleiasy baspasóz qyzmetiniń habarlaýynsha, kezdesýge QR Parlament Májilisiniń depýtaty V.Nábiev, QHA «Jarasym» respýblikalyq jastar uiymynyń tóraǵasy T.Jumyrbaev, «Jas Otan», «Qazaqstan volonterler ligasy», «Meditsina jastary» jastar uiymdarynyń kóshbasshylary, sondai-aq, Almaty qalasy men Almaty oblysy «Jańǵyrý joly» QHA RJQ óńirlik shtabtarynyń ókilderi qatysty.
Is-shara barysynda jastar men stýdenttik uiymdardy QHA qyzmetine tartý máseleleri, QHA «Jańǵyrý joly» jastar qozǵalysynyń qyzmetin kontenttik tolyqtyrý boiynsha usynystar talqylanyp, jastar jobalaryn iske asyrýdyń jańa formattary, sondai-aq, jastar úshin áleýmettik múmkindikterdi keńeitý boiynsha sharalar qarastyryldy.
QHA tóraǵasynyń orynbasary M. Ázilhanov Qazaqstan halqy Assambleiasy jastardyń áleýmettik bastamalaryn júzege asyrý úshin kómektesýge daiyn ekenin atap ótti.
Kezdesý sońynda qatysýshylar jastar jobalaryn iske asyrý boiynsha birlesken jumysty jalǵastyrýǵa senim bildirdi.
