Búgin QR Bas prokýrory Ǵizat Nurdáýletov pen Sybailas jemqorlyqqa qarsy is-qimyl agenttiginiń tóraǵasy Marat Ahmetjanov vedomstvoaralyq keńes ótkizdi, dep habarlaidy QazAqparat.
Agenttiktiń Nur-Sultan qalalyq departamentinde ótken is-shara barysynda olar 2021 jylǵy 1 qańtardan bastap elimizde engizilgen qylmystyq protsestiń úsh býyndy modelimen, agenttik qyzmetkerleri men prokýrorlardyń elektrondy formatta protsessýaldyq sheshimderdi kelisýdegi ózara is-qimylymen tanysty.
«Memleket basshysy Qasym-Jomart Toqaev agenttik tóraǵasy bolyp taǵaiyndalǵan kezimde qylmystyq protsestiń úsh býyndy modelin jetildirip, vedomstvojumysynda tolyqqandy qoldanýdy tapsyrǵan bolatyn. Bul úsh býyndy model azamattardyń quqyǵyn qorǵaýǵa baǵyttalǵan EYDU elderiniń ozyq tájiribesi sanalady», - degi Marat Ahmetjanov.
Onyń atap ótýinshe, búginde agenttik jumysynda tsifrlyq júie jan-jaqty qoldanysqan engizilgen. Iaǵni, búkil protsessýaldyq sheshimder elektrondy túrde jasalyp, prokýrorǵa joldanady. Ol ashyq, aiqyn bolady.
«Birinshiden, ol jerde qylmys quramynyń bar-joǵy aiqyndalady. Kúdiktige qatysty dálelderdiń zańdy ári tolyq jinalýy qadaǵalanady. Sonyń barlyǵyn qyzmetkerlerimiz taldap, jan-jaqty qaraidy. Odan keiin tergeý qarap shyǵady. Bul birinshi súzgi sanalady. Dálel tolyq bolyp, dálelder zań aiasynda jinalsa, onda prokýrorǵa joldanady. Ekinshi súzgi - prokýror. Prokýror da isti jan-jaqty qaraidy. Óitkeni, onyń kelisim bolǵanda ǵana sheshim zańdy bolyp sanalady. Demek, prokýrordyń jaýapkershiligi artady. Kúdiktige qatysty dálelder jetkilikti bolǵanda ǵana kelisim beredi. Tergeý odan ary jalǵasyp, sotqa jiberiledi. Sot qarap qylmys quramynyń bar-joǵyn, kúdiktiginiń aiyptylyǵyn shyǵarady. Úsh býyndy model degenimiz osy», - dedi agenttik tóraǵasy.
