QR Prezidenti Ákimshiligi basshysynyń birinshi orynbasary Dáýren Abaev Táýelsizdik kúni qarsańynda marapat alǵandardyń ishinde memlekettik qyzmetshiler tym kóp boldy degen synaýshylarǵa jaýap berdi, dep habarlaidy QazAqparat.
«Marapat alǵandardyń ishinde memlekettik qyzmetkerler kóp degen stereotipke qarsy mynany aitqym keledi. Menińshe, marapat alǵandardyń arasynda memlekettik qyzmetshilerdiń úlesi 10 paiyzdan da az shyǵar. Negizi olardyń qai-qaisysy da marapatqa laiyq edi. Memlekettik qyzmetshiler únemi eldiń kóz aldynda. Sondyqtan da solardy ǵana marapattap jatqandai kórinetin shyǵar. Biraq bul olai emes. Taǵy da qaitalap aitaiyn, 10 paiyzǵa de jetpeidi», - dedi ol «Ashyq dialog» suhbatynda.
Sondai-aq, ol medal taǵyp, orden syilaý tájiribesi eskiliktiń sarqyny deitinderge de jaýap qatty.
«Biyl marapat jyldaǵydan kóp boldy degenmen kelisemin. Biraq Táýelsizdiktiń 30 jyldyǵyn kúnde toilap jatqan joqpyz ǵoi. Anahronizm degenge kelsek, qurmetti ataqtar men ordender, medaldar tabystaý praktikasy bizdiń ǵana biregei dástúrimiz emes. Búkil órkenietti álemde ondai tájiribe bar. Bul adamdardy yntalandyryp, óskeleń býynǵa úlgi etý úshin, eńbeksúigishtikti, patriottyq pen qoǵamǵa qyzmetti nasihattaý úshin jasalady. Mundai tájiribeniń eshbir jaman jaǵy joq. Kerisinshe shyǵar», - dedi Dáýren Abaev.
