قر پرەزيدەنتٸ ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ تەۋەلسٸزدٸك كٷنٸ قارساڭىندا ماراپات العانداردىڭ ٸشٸندە مەملەكەتتٸك قىزمەتشٸلەر تىم كٶپ بولدى دەگەن سىناۋشىلارعا جاۋاپ بەردٸ, دەپ حابارلايدى قازاقپارات.
«ماراپات العانداردىڭ ٸشٸندە مەملەكەتتٸك قىزمەتكەرلەر كٶپ دەگەن ستەرەوتيپكە قارسى مىنانى ايتقىم كەلەدٸ. مەنٸڭشە, ماراپات العانداردىڭ اراسىندا مەملەكەتتٸك قىزمەتشٸلەردٸڭ ٷلەسٸ 10 پايىزدان دا از شىعار. نەگٸزٸ ولاردىڭ قاي-قايسىسى دا ماراپاتقا لايىق ەدٸ. مەملەكەتتٸك قىزمەتشٸلەر ٷنەمٸ ەلدٸڭ كٶز الدىندا. سوندىقتان دا سولاردى عانا ماراپاتتاپ جاتقانداي كٶرٸنەتٸن شىعار. بٸراق بۇل ولاي ەمەس. تاعى دا قايتالاپ ايتايىن, 10 پايىزعا دە جەتپەيدٸ», - دەدٸ ول «اشىق ديالوگ» سۇحباتىندا.
سونداي-اق, ول مەدال تاعىپ, وردەن سىيلاۋ تەجٸريبەسٸ ەسكٸلٸكتٸڭ سارقىنى دەيتٸندەرگە دە جاۋاپ قاتتى.
«بيىل ماراپات جىلداعىدان كٶپ بولدى دەگەنمەن كەلٸسەمٸن. بٸراق تەۋەلسٸزدٸكتٸڭ 30 جىلدىعىن كٷندە تويلاپ جاتقان جوقپىز عوي. اناحرونيزم دەگەنگە كەلسەك, قۇرمەتتٸ اتاقتار مەن وردەندەر, مەدالدار تابىستاۋ پراكتيكاسى بٸزدٸڭ عانا بٸرەگەي دەستٷرٸمٸز ەمەس. بٷكٸل ٶركەنيەتتٸ ەلەمدە ونداي تەجٸريبە بار. بۇل ادامداردى ىنتالاندىرىپ, ٶسكەلەڭ بۋىنعا ٷلگٸ ەتۋ ٷشٸن, ەڭبەكسٷيگٸشتٸكتٸ, پاتريوتتىق پەن قوعامعا قىزمەتتٸ ناسيحاتتاۋ ٷشٸن جاسالادى. مۇنداي تەجٸريبەنٸڭ ەشبٸر جامان جاعى جوق. كەرٸسٸنشە شىعار», - دەدٸ دەۋرەن اباەۆ.
