Parlamentarizm institýtynyń direktory bolyp, burynǵy depýtat Mansurhan Mahambetov taǵaiyndaldy. Bul týraly Májilistiń baspasóz qyzmeti habarlady.
Mansurhan Mahambetov – prokýratýra organdarynda, onyń ishinde óńirlerde jumys istegen, tájiribesi mol kásibi zańger. 1965 jyly týǵan. Qaraǵandy memlekettik ýniversitetin «Quqyqtaný» mamandyǵy boiynsha bitirgen.
Adamnyń, azamattyń quqyqtary men bostandyqtarynyń, zańdy tulǵalar men memleket múddeleriniń saqtalýyn qadaǵalaý jónindegi prokýror, mamandandyrylǵan tabiǵatty qorǵaý prokýrory, Qazaqstan Respýblikasy Bas prokýratýrasy janyndaǵy Quqyq qorǵaý organdary akademiiasy basqarmasynyń aǵa prokýrory qyzmetterin atqarǵan.
Májilistiń VI shaqyrylym depýtaty kezinde Zańnama jáne sot-quqyqtyq reforma komitetiniń múshesi, sondai-aq, Ekologiia máseleleri jáne tabiǵat paidalaný komitetiniń múshesi boldy. Parlamentarizm Institýty Memleket Basshysy Qasym-Jomart Toqaevtyń tiisti tapsyrmasyn oryndaý maqsatynda quryldy. Qurylymnyń qyzmeti zańnamanyń tiimdiligin taldaýdy qamtamasyz etý arqyly Qazaqstan Respýblikasynda parlamentarizmdi damytýǵa jáne onyń tiimdiligin arttyrýǵa baǵyttalǵan.
