Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Jumysshy mamandyqtar jyly!

Mánsiia Esekeeva: Volonterlik qyzmet –júrek qalaýymen istelinetin jumys

Ult portaly
Mánsiia Esekeeva: Volonterlik qyzmet –júrek qalaýymen istelinetin jumys

Volonter kez kelgen jastaǵy adam bolýy múmkin. Shyndyǵynda, jas aiyrmashylyǵynda eshqandai shekteý joq. Tek, júreginde ózgege kómektesýge niet bolsa bolǵany. Bul týraly Aqmola oblysyndaǵy «Jas Ulan» biryńǵai balalar men jasóspirimder uiymy» qoǵamdyq birlestiginiń tóraǵasy Mánsiia Esekeeva aitty, dep habarlaidy "Ult aqparat".

Onyń aitýynsha, Memleket basshysynyń qatysýymen elordada ótken «Birgemiz» atty volonterler front-ofisiniń ashylýy volonterlikpen ainalysyp júrgen qazaqstandyqtar úshin aitýly oqiǵa boldy. Volonterlerdiń igi isteri memleketimizge zor paidasyn tigizeri sózsiz. Osy oraida, Aqmola oblysynda da volonterlerdiń qatysýymen kóptegen sharalar ótkizilýde. Bul sharalarǵa «Jas Ulan» biryńǵai balalar men jasóspirimder uiymy» qoǵamdyq birlestigi tikelei atsalysýda.

«Volonter degenimiz óz erkimen, iaǵni, sanaly túrde ainalasyndaǵylarǵa úzdiksiz kómektesip júretin jandar.​ Al volonterlik qyzmet – ol júrektiń qalaýymen istelinetin jumys. Bizdiń «Jas Ulan» biryńǵai balalar men jasóspirimder uiymy» qoǵamdyq birlestiginiń músheleri osyndai qaǵidany ustanady. Ótken Jastar jylyn da qyrýar sharýa tyńdyryldy. Bulardyń arasyndaǵy mańyzdylaryna toqtala ketsem, 2019 jyldyń naýryz aiynda bilim-innovatsiia litsei-internatynda Aqmola oblysynyń bilim basqarmasy, ónerpaz daryndy balalarmen jumys júrgizý jónindegi oblystyq oqý-ádistemelik ortalyǵynyń qoldaýymen mektep oqýshylary arasynda «Jas Ulan» biryńǵai balalar men jasóspirimder uiymynyń kýbogyna arnalǵan ashyq oblystyq pikir-saiys týrnirin ótkizdik. Sondai-aq, «Bolashaqqa baǵdar: Rýhani jańǵyrý» maqalalyq baǵdarlamasyn júzege asyrý aiasynda mektep oqýshylary arasynda «Altyn saqa» oblystyq saiysy, «Búgingi jas – erteńgi el tiregi!» atty oblystyq forýmy, QR Tuńǵysh Prezidenti kúni aiasynda «Jas Ulan» biryńǵai balalar men jasóspirimder uiymy kýbogyna arnalǵan oblystyq «Bala bi» sheshendik óner saiysy uiymdastyryldy», – deidi Mánsiia Esekeeva.

Jyl saiyn elimizde, sonyń ishinde Aqmola oblysynda da volonterlerdiń sany ulǵaiýda. Qazirgi tańda qoǵamǵa paidasyn tigizemin deýshi jastardyń volonterler qataryna qosylýy qýantady. Jyl ótken saiyn olardyń qatary tolyǵyp keledi. Osynyń arqasynda biylǵy Volonterler jyly da «Jas ulan» biryńǵai balalar men jasóspirimder uiymy» qoǵamdyq birlestigi birqatar sharalardy júzege asyrýdy josparlap otyr.

«Aǵymdaǵy jyly «Jas ulan» biryńǵai balalar men jasóspirimder uiymy» qoǵamdyq birlestiginiń kýbogyna arnalǵan oblystyq pikir-saiys týrniri, «Qasietti dombyra» oblystyq baiqaýy, Naýryz meiramyna orai insta baiqaý, «Úzdik Ulanbasy – 2020» mektep oqýshylary arasyndaǵy oblystyq baiqaýy, «Ulanymyz uly eldiń» oblystyq forýmy, Halyqaralyq balalardy qorǵaý kúni men Memlekettik rámizder kúnine arnalǵan is-sharalar, «Qazaqshań qalai, balaqai?» atty balabaqsha tárbielenýshileriniń arasyndaǵy oblystyq baiqaýy, «Jaidarly jas ulan» mektep oqýshylary arasyndaǵy oblystyq intellektýaldy oiyny, «Altyn saqa» oblystyq saiysy, QR Tuńǵysh Prezidenti kúnine arnalǵan «Bala bi» oblystyq sheshendik óner saiysy siiaqty sharalar​ kútip tur.

Sonymen qatar, jyl ishinde volonterlerge trening, ekologiialyq aktsiia, qaiyrymdylyq jármeńke, soǵys ardagerlerine kómek kórsetý tárizdi ózge de sharalarǵa qolǵabys etý josparymyzda bar», – dep tolyqtyrdy Mánsiia Esekeeva.

Eske salsaq, keshe Prezident Qasym-Jomart Toqaevtyń qatysýymen elordada volonterlerdiń «Birgemiz» respýblikalyq front-keńsesi ashyldy.

Volonter jyly aiasynda front-keńseniń ashylýy barysynda «QQQAZVOLUNTEER.KZ onlain platformasynyń qyzmeti jáne volonterliktiń «Bilim», «Qamqor», «Úmit», «Sabaqtastyq», «Taza Álem» jáne «Saulyq» atty 7 salalyq baǵyt boiynsha alańdary tanystyrylady.

Oqi otyryńyz