ShQO-da 87 jastaǵy zeinetker alaiaqtardyń qurbany bola jazdady ShQO-da 87 jastaǵy zeinetker alaiaqtardyń qurbany bola jazdady Shai ónimderin ákelý men satýǵa salynǵan shekteý alyndy – Komitet Shai ónimderin ákelý men satýǵa salynǵan shekteý alyndy – Komitet
Qoǵam

Mansap joly bir ýniversitette ótken depýtat Jelide synaǵandarǵa jaýap berdi

Ult portaly
Mansap joly bir ýniversitette ótken depýtat Jelide synaǵandarǵa jaýap berdi

Mádi Elýbaev. Foto: parlam.kz

Áleýmettik jelide Májilis depýtaty Mádi Elýbaev synǵa qaldy. Jeli qoldanýshylary Elýbaev 18 jyl boiy ákesi negizin qalaǵan bir ýniversitette istegenin, oqý ornyna túskennen keiin sabaq bere bastaǵanyn jazǵan. Depýtat ony synaǵandarǵa jaýap berdi, - dep habarlaidy Tengrinews.kz tilshisi.

Jelide Elýbaevtyń biografiiasy taraǵan. Qujat boiynsha, Mádi Elýbaev 2003 jyly Myrzahmetov atyndaǵy Kókshetaý ýniversitetine oqýǵa túsken, artynsha sol jyly sabaq bere bastaǵan. Keiinnen 18 jyl boiy qyzmeti kóterilgen: dotsent, professor, dekan, prorektor bolyp, 2021 jyly ýniversitet rektory atanǵan.   

Ýniversitet negizin depýtattyń ákesi Saǵyntai Elýbaev qalaǵan kórinedi. 

Depýtat ony synaǵandarǵa jaýap berip, ol birneshe ýniversitette joǵary bilim alǵanyn aityp, 2003 jyly "Ekonomika jáne menedjment" mamandyǵy boiynsha joǵary bilimi bolǵanyn, sondyqtan sabaq bere bastaǵanyn aitty. 

"Alǵash joǵary bilimdi Ýálihanov atyndaǵy Kókshetaý ýniversitetinde ekonomika mamandyǵy boiynsha aldym. Bes jyl oqydym. Myrzahmetov atyndaǵy ýniversitette ártúrli mamandyqtarǵa ekonomika negizeri boiynsha sabaq berdim. Ýniversitetke quqyqtaný mamandyǵyna tústim", - deidi Elýbaev. 

Depýtattyń sózinshe, úsh joǵary bilimi bar. 

birinshi - Ýálihanov atyndaǵy ýniversitette ekonomika boiynsha (2003);

ekinshisi - Myrzahmetov ýniversitetindegi iýrisprýdentsiia boiynsha (2005);

úshinshi - Ýálihanov atyndaǵy ýniversitette qurylys boiynsha (2010);

Sonymen qatar, depýtat "dotsent" jáne "professor" ataǵyna qatysty túsinik berdi. 

"Men rasynda, Myrzahmetov atyndaǵy ýniversitet professorymyn. Bul barlyq ýniversitettegi jalpy tájiribe. Ataq pen dárejeni shatastyrmaý mańyzdy. Kandidattyq, doktorlyq dárejeni qorǵaý kerek. Bul ǵylymi dárejeler, olar boiynsha dissertatsiialyq jumystar jazylady, sodan keiin qorǵaý júrgiziledi. Ataq ýniversitet ishinde atqarylǵan jumystar men eńbekter negizinde beriledi. 

Mende ýniversitet ataǵy boldy. Ýniversitetter olardy óz eńbekterin jazatyn ǵalymdaryna berýge quqyly. Bul, sonymen qatar, ýniversitet reitingi úshin qajet. Eger ǵalym belsendi bolsa, eńbekter jazady, monografiialar shyǵarady, yntalandyrý retinde ataq ta beriledi", - dedi Mádi Elýbaev.

Sonymen qatar, 2011 jyly Elýbaev zań ǵylymdarynyń doktory ataǵyn qorǵaǵan. 

Aita keteiik, Mádi Elýbaev 1982 jyly týǵan. 2014 jyly 32 jasynda ýniversitet rektory atandy. 2021 jyly Amanat partiiasy atynan Májilis depýtaty bolyp sailandy. 

Oqi otyryńyz