Áleýmettik jelilerde AQSh pandemiiadan bas tartty degen aqparat taratylýda. Video avtory amerikalyq úkimet COVID-19-dan bolǵan ólim-jitim týraly derekterdi jinaýdy toqtatty degen jariialanymnan keiin osyndai qorytyndy jasady. Bul - manipýliatsiia, dep habarlaidy Stopfake.kz saity.
AQSh federaldy úkimetiniń COVID-19-dan qaitys bolý týraly kúndelikti esepterdi jinaýdan bas tartqany ras. 2022 jylǵy 6 qańtarda AQSh Densaýlyq saqtaý jáne áleýmettik qyzmet kórsetý ministrligi (HHS) aýrýhanalar Densaýlyq saqtaý ministrligine esep beretin jańa nusqaýlar shyǵardy. Jańa qujat boiynsha meditsinalyq uiymdar ár kúnniń sońynda koronavirýstyq infektsiiadan qaitys bolǵandar týraly málimet bermeidi. Al KVI rastalǵan jańa túsken naýqastar týraly kúndelikti esepter mindetti bolyp qaldy.
Alaida, bul AQSh-ta koronavirýstan bolǵan ólim-jitim boiynsha statistika júrgizýdi toqtatty degenniń belgisi emes. Aýrýhanalar áli de bolsa qaitys bolǵandar týraly málimetterdi shtattyń densaýlyq saqtaý organdaryna, al shtattar arqyly Aýrýlardy baqylaý jáne aldyn alý ortalyqtaryna (CDC) jiberedi.
«COVID-ten bolǵan ólimi týraly málimetter kópshilikke qol jetimdi bolyp qala beredi», – dedi AQSh Densaýlyq saqtaý jáne áleýmettik qyzmet kórsetý departamentiniń qoǵammen bailanys jónindegi hatshysynyń kómekshisi CDC-ge silteme jasai otyryp.
«Aýrýhanalar densaýlyq saqtaý ministrligine COVID-19 ólimi týraly kún saiyn esep bermeidi. Biraq bul CDC-ge osy derekterdi jiberetin jergilikti densaýlyq saqtaý organdaryna barlyq osyndai jaǵdailar týraly habarlaýdyń qajeti joq degenniń belgisi emes. Biz áli de ólim-jitimdi esepteimiz», – dedi Atlantic jýrnalisti jáne COVID baqylaý jobasynyń negizin qalaýshy Erin Kissane.
Osylaisha, AQSh pandemiiadan bas tartty, sondai-aq COVID-19 bolatyn ólim budan bylai tirkelmeidi degen tujyrymdar negizsiz jáne manipýliatsiia bolyp tabylady.
