Mańǵystaýlyq Ildar Iagiaev Helsinkide ótken álem chempionatynda týrnikke tartylýdan chempion atandy. Ol alty jyldan beri osy sport túrinen álemdegi eń úzdik dep tanylyp keledi. Sportshy «Qazaqstannyń 100 jańa esimi» jobasynda jeńimpaz atandy, dep habarlaidy QazAqparat.
Ildar Iagiaev 96,5 keli salmaqpen tartylyp, jańa álemdik rekord ornatty. Mańǵystaý oblystyq Stritvorkaýt jáne stritlifting federatsiiasynyń prezidenti Ildar Iagiaev osy sport túrin óńirde damytý josparlarymen bólisti.
«Bizdiń negizgi maqsatymyz - óńirde stritvorkaýtty jáne stritliftingti tanymal etý. Osy maqsatta biz komandamen birge sportshylar úshin únemi tegin jattyǵýlar men túrli is-sharalar ótkizip turamyz. Qazir biz demeýshi taýyp, Kaspii teńiziniń jaǵalaýynda Los-Andjelestegi masl-bich siiaqty jattyǵý alańyn salýdy josparlap otyrmyz», - dedi Mańǵystaý oblystyq Stritvorkaýt jáne stritlifting federatsiiasynyń prezidenti Ildar Iagiaev.
Atalyp ótilgendei, týrnikke tartylýdan álem chempionatyna álemniń 20-dan astam elinen 200-den astam atlet qatysty. Jarys alty salmaq dárejesinde ótti. Jalpy júlde qory 10 000 AQSh dollaryn qurady.
