Mańǵystaýǵa Resei Federatsiiasy Daǵystan Respýblikasynan gýmanitarlyq kómek kelip jetti,-dep habarlaidy "Ult aqparat".
Bul kómekti qala, aýdan jáne tiisti mekemelerdiń qajettilikterine qarai bólip berý maqsatynda «Nur Otan» partiiasy Mańǵystaý oblystyq filialy qabyldap aldy.
Daǵystan Respýblikasynan kelgen kómekte meditsinalyq betperde (100 000 dana), qorǵanys kiimi (13 000 dana) jáne antiseptik quraldary (2000 dana) bar.
Búgin «Nur Otan» partiiasynyń baqylaýymen oblys ákimdigi janynan qurylǵan arnaiy komissiiasy kelgen gýmanitarlyq kómekti Mańǵystaý oblystyq Ishki ister departamentine, Mańǵystaý oblystyq densaýlyq saqtaý basqarmasyna, 6656 UU Áskeri bólimge jáne qala, aýdandarǵa bólip jiberý jumystaryn júrgizdi.
