Qazaqstannan Qytaiǵa 620 dana aqbóken múiizin zańsyz áketý áreketiniń joly kesildi. Tárkilengen múiizderdiń qara naryqtaǵy quny shamamen 180 mln teńge bolýy múmkin, dep habarlaidy ult.kz.
Ulttyq qaýipsizdik komiteti Shekara qyzmetiniń málimetinshe, oqiǵa 20 qazanda «Qorǵas» shekara mańy yntymaqtastyǵy halyqaralyq ortalyǵynda bolǵan. Shekarashylar aqbóken múiizderin Qytaiǵa zańsyz alyp ótý áreketin anyqtaǵan.
Atalǵan fakti boiynsha materialdar protsestik sheshim qabyldaý úshin quzyretti organǵa joldanady.
UQK baspasóz qyzmeti Qylmystyq-protsestik kodekstiń 201-babynyń 1-bóligine sáikes istiń ózge mán-jailary jariia etilmeitinin habarlady.
