Foto: Stan.kz
Astanada sarbaz Marat Barqulovtyń ólimine qatysty sot protsesi jalǵasyp jatyr. 24 qańtarda prokýror kúdikti Damir Dosovty 13 jylǵa bas bostandyǵynan aiyrýdy surady. Bul týraly Ult.kz, Stan.kz aqparat agenttigine silteme jasap habarlaidy.
Sot jaryssózinde memlekettik aiyptaýshy Amangúl Jumaǵalieva zenitti-artilleriialyq vzvodynyń eks-komandiri, 22 jastaǵy Damir Dosovtyń kezekshilikke túskenin jáne eki oqjatary bar tapansha alǵanyn aitty. Ol sarbazdar otyrǵan shatyrǵa kirip, olarǵa qarai tapansha kezep, oqtap keiin 18 jastaǵy Barqulovtyń betine atyp jibergen.
"Dosovtyń qylmysty bilmei jasaǵany týraly jaýabyna syni turǵydan qaraýdy suraimyn, sebebi ol qarýdy qalai qoldaný keregin bilýge tiis. Kýágerler de Dosovqa tapanshany bergen kezde nusqaýlyq júrgizilgenin aitty", – dedi prokýror.
Amangúl Jumaǵalieva Dosovty qasaqana kisi óltirgeni úshin kináli dep tanyp, 13 jylǵa bas bostandyǵynan aiyrýdy surady. Memlekettik aiyptaýshynyiń sózinshe, komandir áskeri institýtta oqyǵan, sondyqtan qarýdy adamǵa kezemeý keregin bilip, tapanshadan atýdy úirengen. Tapanshada oq bolǵanyn bilmegenin aitqan Dosovtyń sózin maior Baǵdat Mailiev pen ózge de kýágerler joqqa shyǵarǵan.
Marqum sarbazdyń ákesi men anasy sottan ulynyń ólimi úshin moraldyq ótemaqy retinde 50 million teńge talap etti.
