فوتو: Stan.kz
استانادا سارباز مارات بارقۇلوۆتىڭ ٶلٸمٸنە قاتىستى سوت پروتسەسٸ جالعاسىپ جاتىر. 24 قاڭتاردا پروكۋرور كٷدٸكتٸ دامير دوسوۆتى 13 جىلعا باس بوستاندىعىنان ايىرۋدى سۇرادى. بۇل تۋرالى Ult.kz, Stan.kz اقپارات اگەنتتٸگٸنە سٸلتەمە جاساپ حابارلايدى.
سوت جارىسسٶزٸندە مەملەكەتتٸك ايىپتاۋشى امانگٷل جۇماعاليەۆا زەنيتتٸ-ارتيللەرييالىق ۆزۆودىنىڭ ەكس-كومانديرٸ, 22 جاستاعى دامير دوسوۆتىڭ كەزەكشٸلٸككە تٷسكەنٸن جەنە ەكٸ وقجاتارى بار تاپانشا العانىن ايتتى. ول ساربازدار وتىرعان شاتىرعا كٸرٸپ, ولارعا قاراي تاپانشا كەزەپ, وقتاپ كەيٸن 18 جاستاعى بارقۇلوۆتىڭ بەتٸنە اتىپ جٸبەرگەن.
"دوسوۆتىڭ قىلمىستى بٸلمەي جاساعانى تۋرالى جاۋابىنا سىني تۇرعىدان قاراۋدى سۇرايمىن, سەبەبٸ ول قارۋدى قالاي قولدانۋ كەرەگٸن بٸلۋگە تيٸس. كۋەگەرلەر دە دوسوۆقا تاپانشانى بەرگەن كەزدە نۇسقاۋلىق جٷرگٸزٸلگەنٸن ايتتى", – دەدٸ پروكۋرور.
امانگٷل جۇماعاليەۆا دوسوۆتى قاساقانا كٸسٸ ٶلتٸرگەنٸ ٷشٸن كٸنەلٸ دەپ تانىپ, 13 جىلعا باس بوستاندىعىنان ايىرۋدى سۇرادى. مەملەكەتتٸك ايىپتاۋشىنىٸڭ سٶزٸنشە, كوماندير ەسكەري ينستيتۋتتا وقىعان, سوندىقتان قارۋدى ادامعا كەزەمەۋ كەرەگٸن بٸلٸپ, تاپانشادان اتۋدى ٷيرەنگەن. تاپانشادا وق بولعانىن بٸلمەگەنٸن ايتقان دوسوۆتىڭ سٶزٸن مايور باعدات مايليەۆ پەن ٶزگە دە كۋەگەرلەر جوققا شىعارعان.
مارقۇم ساربازدىڭ ەكەسٸ مەن اناسى سوتتان ۇلىنىڭ ٶلٸمٸ ٷشٸن مورالدىق ٶتەماقى رەتٸندە 50 ميلليون تەڭگە تالاپ ەتتٸ.
