Mańǵystaý oblysyna aýyzsý máselesi qalai sheshilmek jáne halyqty eńbekpen qamtý barysy qalai júrip jatyr. Atalǵan máselelerge qatysty Mańǵystaý oblysynyń ákimi Nurlan Noǵaev túsinik berdi, dep habarlaidy QazAqparat.
«Memleket basshysynyń tapsyrmasyna sáikes Mańǵystaý oblysynyń 2021-2025 jyldarǵa arnalǵan damý jospary keshendi túrde júzege asyp jatyr. Josparǵa sáikes 2 trln 200 mlrd teńgeniń is-sharasy josparlandy. Qarastyrylyp otyrǵan qarjynyń 65 paiyzy jumyspen qamtý, sosyn shaǵyn jáne orta kásipkerlikti damytýǵa baǵyttalady. Al kóktem kele jatyr. Bizdiń óńirge tán máseleniń biri aýyz sý tapshylyǵy. Sala mamandarynyń aitýynsha, jyldyń naýryz-qyrkúiek aiy aralyǵynda táýligine 50 myń tekshe metr aýyzsý tapshylyǵy baiqalady. Osy oraida mańǵystaýlyqtardy aýyzsýmen qamtamasyz etýdi «Astrahan-Mańǵystaý» sý qubyry arqyly jetildire túsý kózdelip otyr», - dedi Nurlan Noǵaev Mańǵystaý oblystyq qoǵamdyq kommýnikatsiia ortalyǵynda onlain ótken baspasóz máslihatynda.
Sondai-aq, oblysy basshysy aimaqtaǵy jumyssyzdyq máselesin kóterdi.
«Óńirdegi jumyssyzdyq máselesin joiý maqsatynda qazirgi ýaqytta «Men jumys isteimin», «Jastar praktikasy» jáne taǵy sol siiaqty baǵdarlamalar júzege asyp jatyr. Atalǵan baǵdarlamalar aiasynda jyl saiyn myńdaǵan adamdar jumysqa ornalasyp jatyr. Bul shara odan ári óz jalǵasyn tabady», - deidi ol.
