ماڭعىستاۋ وبلىسىنا اۋىزسۋ مەسەلەسٸ قالاي شەشٸلمەك جەنە حالىقتى ەڭبەكپەن قامتۋ بارىسى قالاي جٷرٸپ جاتىر. اتالعان مەسەلەلەرگە قاتىستى ماڭعىستاۋ وبلىسىنىڭ ەكٸمٸ نۇرلان نوعاەۆ تٷسٸنٸك بەردٸ, دەپ حابارلايدى قازاقپارات.
«مەملەكەت باسشىسىنىڭ تاپسىرماسىنا سەيكەس ماڭعىستاۋ وبلىسىنىڭ 2021-2025 جىلدارعا ارنالعان دامۋ جوسپارى كەشەندٸ تٷردە جٷزەگە اسىپ جاتىر. جوسپارعا سەيكەس 2 ترلن 200 ملرد تەڭگەنٸڭ ٸس-شاراسى جوسپارلاندى. قاراستىرىلىپ وتىرعان قارجىنىڭ 65 پايىزى جۇمىسپەن قامتۋ, سوسىن شاعىن جەنە ورتا كەسٸپكەرلٸكتٸ دامىتۋعا باعىتتالادى. ال كٶكتەم كەلە جاتىر. بٸزدٸڭ ٶڭٸرگە تەن مەسەلەنٸڭ بٸرٸ اۋىز سۋ تاپشىلىعى. سالا ماماندارىنىڭ ايتۋىنشا, جىلدىڭ ناۋرىز-قىركٷيەك ايى ارالىعىندا تەۋلٸگٸنە 50 مىڭ تەكشە مەتر اۋىزسۋ تاپشىلىعى بايقالادى. وسى ورايدا ماڭعىستاۋلىقتاردى اۋىزسۋمەن قامتاماسىز ەتۋدٸ «استراحان-ماڭعىستاۋ» سۋ قۇبىرى ارقىلى جەتٸلدٸرە تٷسۋ كٶزدەلٸپ وتىر», - دەدٸ نۇرلان نوعاەۆ ماڭعىستاۋ وبلىستىق قوعامدىق كوممۋنيكاتسييا ورتالىعىندا ونلاين ٶتكەن باسپاسٶز مەسليحاتىندا.
سونداي-اق, وبلىسى باسشىسى ايماقتاعى جۇمىسسىزدىق مەسەلەسٸن كٶتەردٸ.
«ٶڭٸردەگٸ جۇمىسسىزدىق مەسەلەسٸن جويۋ ماقساتىندا قازٸرگٸ ۋاقىتتا «مەن جۇمىس ٸستەيمٸن», «جاستار پراكتيكاسى» جەنە تاعى سول سيياقتى باعدارلامالار جٷزەگە اسىپ جاتىر. اتالعان باعدارلامالار اياسىندا جىل سايىن مىڭداعان ادامدار جۇمىسقا ورنالاسىپ جاتىر. بۇل شارا ودان ەرٸ ٶز جالعاسىن تابادى», - دەيدٸ ول.
