Mańǵystaý oblysynyń densaýlyq saqtaý basqarmasy jol apaty kezinde zardap shekken balalardyń jaǵdaiy týraly aitty, dep habarlaidy Sputnik Qazaqstan.
16 qyrkúiekte túngi eki shamasynda Jetibai aýylyna qarai, Qaraqiia aýdanynyń tas jolynda Lexus LX 470 avtokóligi aýdaryldy. Saldarynan toǵyz adam zardap shekti, onyń beseýi oqiǵa ornynda jan tapsyrdy.
2011, 2012 jáne 2019 jylǵy úsh bala jedel járdemdi kútpei, jolshybai kólikpen Jetibai aýdandyq aýrýhanasyna jetkizilgen edi.
Mańǵystaý oblysynyń densaýlyq saqtaý basqarmasynyń baspasóz qyzmetiniń habarlaýynsha, kóptegen jaraqat alǵan balalar Mańǵystaý oblystyq kópsalaly balalar aýrýhanasyna jatqyzyldy. Bir jarym jasar bala reanimatsiia jáne qarqyndy terapiia bólimshesinde jatyr.
Qazir dárigerler olardyń ómiri úshin kúresýde.
"Dárigerler olarǵa midyń jabyq jaraqaty, jelke súiektiń synýy, qan quiylý diagnozy qoiylǵanyn aitty. Jaǵdailarynyń jaqsarýy baiqalmaidy, báriniń jaǵdaiy aýyr dep baǵalanyp otyr", - delingen aqparatta.
Sondai-aq kólikpen birinshi bolyp aýrýhanaǵa jetkizilgen 8 jastaǵy qyzdyń jaǵdaiy asa aýyr dep baǵalanyp otyr. Ol áli esin jiǵan joq. Alaida jasandy tynys aldyrý apparatynan ajyratyldy. Óz betinshe tynys alyp jatyr.
9 jáne 10 jastaǵy qyzdar travmatologiia bólimine jatqyzyldy. Olardyń jaǵdaiy aýyr dep baǵalanady.
