Mańǵystaýda jol-kólik oqiǵasy oryn alyp, bir adam qaitys boldy. Sondai-aq 6 adam zadap shekti, dep habarlaidy QazAqparat.
Oqiǵa 4 jeltoqsan saǵat 19:50 shamasynda Aqtaý-Quryq tas jolynyń 71/6 shaqyrymynda bolǵan.
«Mercedes-Benz C220» avtokóliginiń júrgizýshisi joldyń qarsy betine shyǵyp ketip, «Toyota Camry» avtokóligine soǵylǵan.
Saldarynan «Mercedes-Benz» avtokóliginiń 28 jastaǵy júrgizýshisi alǵan jaraqattarynan oqiǵa ornynda qaitys boldy» delingen Mańǵystaý oblystyq Politsiia departamentiniń baspasóz málimetinde.
Zardap shekken 6 jolaýshy Mańǵystaý oblystyq aýrýhanasyna jetkizilgen.
Atalǵan derek boiynsha sotqa deiingi tergeýdiń biryńǵai tizimine tirkelip, QR Qylmystyq kodeksiniń 34 -babynyń 3-tarmaǵy boiynsha is qozǵaldy. Qazir jol apatyna qatysty tergeý jumystary júrgizilip jatyr. Ózge aqparat tergeý múddesine sáikes ázirge jariia etilmeidi.
