Mańǵystaý oblysynda Ashyq-ta «jasyl» mártebege ie 100 adamǵa deiin shara ótkizýge ruqsat etildi. Bul týraly Mańǵystaý oblystyq sanitarlyq-epidemiologiialyq baqylaý departamentiniń basshysy Ǵaziz Nadýev málimdedi, dep habarlady QazAqparat.
Eske salaiyq, QR densaýlyq saqtaý ministri jańa jyldyq korporativterdi merekeleýge qoiylatyn talaptar ár óńirdegi epidemiologiialyq jaǵdaiǵa bailanysty bolatynyn habarlaǵan edi.
Erejeni ár oblystyyń bas memlekettik sanitarlyq dárigeri jasaidy. Ruqsat etilgen jaǵdaida sharanyń neshe adamǵa eseptelgeni esepke alynýy tiis.
Mańǵystaý oblystyq bas sanitarlyq dáriger brifing barysynda óńirdiń «jasyl» aimaqta ekenin, soǵan bailanysty jeńildikter qarastyrylǵanyn málimdedi.
«Qazirgi ýaqytta korporativ ótkizý boiynsha naqty sheshim qabyldanbady. Jalpy, sońǵy qaýlyǵa sáikes, óńirde túrli sharalar ótkizýge ruqsat etildi. Qazirgi ýaqytta, qaýly boiynsha, Ashyq júiesi arqyly «jasyl» mártebesi bar 100 adamǵa deiin sharaǵa qatysýǵa ruqsat bar. Barlyǵy epidemiologiialyq jaǵdaiǵa bailanysty ózgerýi múmkin», - dedi Mańǵystaý oblystyq sanitarlyq-epidemiologiialyq baqylaý departamentiniń basshysy Ǵaziz Nadýev.
Aita keteiik, ótken táýlikte oblysta koronavirýs infektsiiasynyń úsh jaǵdaiy tirkeldi: bireýi Aqtaýda jáne ekeýi Túpqaraǵan aýdanynda.
Oblys boiynsha 2021 jylǵy 3 aqpan men 20 jeltoqsan aralyǵynda KVI-ge qarsy vaktsinanyń birinshi komponentin 187 849 adam (48,8%), ekinshi komponentin-167 649 adam (43,2%) aldy.
