© Sputnik / Magomed Aliev
Politseiler Mańǵystaý oblysynda bekire jáne ýyldyryqtyń zańsyz ainalymynyń jolyn kesti, dep habarlaidy Polisia.kz.
Politsiia bekire tuqymdas balyq pen qara ýyldyryqty zańsyz saýdalady degen kúdikpen birneshe jergilikti turǵyndy ustady.
Tintý kezinde kúdiktilerdiń birinen jalpy salmaǵy 88 keli bolatyn jiyrma bekire tuqymdas balyq tárkilendi. Ekinshi kúdiktiden qara ýyldyryq tabylǵan. Anyqtalǵan ýyldyryqtyń salmaǵy 860 grammdy qurady.
"Keltirilgen shyǵynnyń jalpy somasy 1 million teńgeden asady. Sirek kezdesetin jáne quryp ketý qaýpi tóngen, sondai-aq tyiym salynǵan ósimdikterdiń nemese janýarlardyń túrlerimen, olardyń bólikterimen nemese derivattarymen zańsyz ainalysý faktisi boiynsha sotqa deiingi tergeý bastaldy", - delingen habarlamada.
