Aldyn ala boljam boiynsha, ýlanýǵa úi jaǵdaiynda daiyndalyp, tońazytqyshta uzaq ýaqyt saqtalǵan úidiń ystalǵan balyǵy sebep bolǵan. Botýlizm belgilerimen úsh eresek pen bir bala aýrýhanaǵa jetkizildi, dep habarlaidy ult.kz.
Úide zardap shekkender jii qusyp, júregi ainyǵan. Aýrýhanaǵa túsken kezde olardyń jaǵdaiy aýyr dep baǵalandy. Naýqastarda álsizdik, bas ainalý, jutyný men kórý qabiletiniń nasharlaýy, tamaqtyń qurǵaýy, kózdiń buldyraýy jáne esten taný belgileri baiqaldy, - dedi Óńirlik densaýlyq saqtaý basqarmasynyń bas shtattan tys epidemiology Maral Qadyr.
Mamandardyń aitýynsha, zardap shekkenderdiń jaǵdaiy aýyr, qazirgi ýaqytta olar ókpeni jasandy jeldetý apparatyna qosylǵan. Naýqastarǵa qajetti dezintoksikatsiialyq jáne simptomatikalyq em júrgizilip, arnaiy botýlizmge qarsy sarysý egildi.
