Mańǵystaý oblysynda endi toi, sadaqa jasaǵandar ǵana emes, oǵan barǵandarǵa da aiyppul salynatyn boldy. Bul týraly Mańǵystaý oblysy ákiminiń tóraǵalyǵymen ótken apparattyq jiynda ákim orynbasary Gúlmira Qalmuratova málimdedi.
Gúlmira Qalmuratova baiandaýynsha, karantin talaptaryn buzǵandar bas sanitardyń qaýlysyna sáikes aiyppul tóleidi.
Ótken demalys kúnderi óńirdegi 256 nysanǵa reid júrgizildi. Nátijesinde 57 hattama toltyrylyp, Mańǵystaý oblysynyń sanitarlyq-epidemiologiialyq baqylaý departamentine jiberildi. Oblys ákimi S.Trumov bul jumystardy jalǵastyra berýdi jáne monitoring toptarynyń jumysyn kúsheite túsýdi tapsyrdy. Sebebi COVID-19 virýsyn juqtyrǵandardyń sany ósip barady.
Epidemiologiialyq ahýaldy jaqsartýdyń bir joly – kópshilik jinalatyn sharalardy shekteý bolsa, ekinshisi - virýsqa qarsy ujymdyq immýnitet qalyptastyrý úshin jappai ekpe alý. Búgingi kúnge deiin oblysta 103 710 adam vaktsinanyń 1-shi komponentin, 64 204 adam 2-shi komponentin qabyldaǵan. Oblysta KVI-ge qarsy vaktsinatsiiaǵa arnalǵan 42 ekpe kabineti jumys istep tur (Aqtaý – 8, Jańaózen – 6, Beineý - 8, Qaraqiia -2, Mańǵystaý -1, Munaily - 5, Túpqaraǵan – 6).
«Vaktsinatsiia jumystary kúsheitildi, sonyń nátijesinde shilde aiynda turǵyndar arasynda vaktsinatsiianyń ósý qarqyny baiqaldy», - dedi Gúlmira Qalmuratova.
Jyl basynan beri qaýipti indetpen 10 myńnan astam adam aýyryp, 92,3%-y emdelip shyqty. Ókinishke qarai 227 adam osy virýstan kóz jumǵan. Sońǵy táýlikte 224 adamnyń KVI juqtyrǵandyǵy anyqtaldy.
Densaýlyq saqtaý nysandary kúsheitilgen tártippen jumys istep jatyr. Naýqastar sanynyń ósýine bailanysty Aqtaý, Jańaózen qalalarynda, Munaily, Túpqaraǵan jáne Mańǵystaý aýdandarynda 5 infektsiialyq statsionar ashyldy.
Óńirdegi jalpy tósek qorynyń sany 1 799 orynǵa jetkizilip, reanimatsiialyq tósek sany 118-ge deiin artty. Osy statsionarlarda búgingi kúni 944 adam em qabyldap jatyr, onyń ishinde 39 bala, 95 júkti jáne bosanǵan áiel. Tósek oryndardyń tolymdylyǵy – 62%. Al, jansaqtaý bólimderiniń tolymdyǵy - 90% (107 adam).
Oblys ákimi orynbasarynyń aitýynsha, meditsinalyq personal tolyq irikteldi, dárilik preparattar men jeke qorǵanys quraldarynyń qajetti qory daiyn. Qosymsha mobildi brigadalar qurylyp, olardyń sany 120 brigadaǵa deiin ulǵaityldy, olarǵa 20 avtokólik bólingen.
