ماڭعىستاۋ وبلىسىندا ەندٸ توي, ساداقا جاساعاندار عانا ەمەس, وعان بارعاندارعا دا ايىپپۇل سالىناتىن بولدى. بۇل تۋرالى ماڭعىستاۋ وبلىسى ەكٸمٸنٸڭ تٶراعالىعىمەن ٶتكەن اپپاراتتىق جيىندا ەكٸم ورىنباسارى گٷلميرا قالمۇراتوۆا مەلٸمدەدٸ.
گٷلميرا قالمۇراتوۆا بايانداۋىنشا, كارانتين تالاپتارىن بۇزعاندار باس سانيتاردىڭ قاۋلىسىنا سەيكەس ايىپپۇل تٶلەيدٸ.
ٶتكەن دەمالىس كٷندەرٸ ٶڭٸردەگٸ 256 نىسانعا رەيد جٷرگٸزٸلدٸ. نەتيجەسٸندە 57 حاتتاما تولتىرىلىپ, ماڭعىستاۋ وبلىسىنىڭ سانيتارلىق-ەپيدەميولوگييالىق باقىلاۋ دەپارتامەنتٸنە جٸبەرٸلدٸ. وبلىس ەكٸمٸ س.ترۇموۆ بۇل جۇمىستاردى جالعاستىرا بەرۋدٸ جەنە مونيتورينگ توپتارىنىڭ جۇمىسىن كٷشەيتە تٷسۋدٸ تاپسىردى. سەبەبٸ COVID-19 ۆيرۋسىن جۇقتىرعانداردىڭ سانى ٶسٸپ بارادى.
ەپيدەميولوگييالىق احۋالدى جاقسارتۋدىڭ بٸر جولى – كٶپشٸلٸك جينالاتىن شارالاردى شەكتەۋ بولسا, ەكٸنشٸسٸ - ۆيرۋسقا قارسى ۇجىمدىق يممۋنيتەت قالىپتاستىرۋ ٷشٸن جاپپاي ەكپە الۋ. بٷگٸنگٸ كٷنگە دەيٸن وبلىستا 103 710 ادام ۆاكتسينانىڭ 1-شٸ كومپونەنتٸن, 64 204 ادام 2-شٸ كومپونەنتٸن قابىلداعان. وبلىستا كۆي-گە قارسى ۆاكتسيناتسيياعا ارنالعان 42 ەكپە كابينەتٸ جۇمىس ٸستەپ تۇر (اقتاۋ – 8, جاڭاٶزەن – 6, بەينەۋ - 8, قاراقييا -2, ماڭعىستاۋ -1, مۇنايلى - 5, تٷپقاراعان – 6).
«ۆاكتسيناتسييا جۇمىستارى كٷشەيتٸلدٸ, سونىڭ نەتيجەسٸندە شٸلدە ايىندا تۇرعىندار اراسىندا ۆاكتسيناتسييانىڭ ٶسۋ قارقىنى بايقالدى», - دەدٸ گٷلميرا قالمۇراتوۆا.
جىل باسىنان بەرٸ قاۋٸپتٸ ٸندەتپەن 10 مىڭنان استام ادام اۋىرىپ, 92,3%-ى ەمدەلٸپ شىقتى. ٶكٸنٸشكە قاراي 227 ادام وسى ۆيرۋستان كٶز جۇمعان. سوڭعى تەۋلٸكتە 224 ادامنىڭ كۆي جۇقتىرعاندىعى انىقتالدى.
دەنساۋلىق ساقتاۋ نىساندارى كٷشەيتٸلگەن تەرتٸپپەن جۇمىس ٸستەپ جاتىر. ناۋقاستار سانىنىڭ ٶسۋٸنە بايلانىستى اقتاۋ, جاڭاٶزەن قالالارىندا, مۇنايلى, تٷپقاراعان جەنە ماڭعىستاۋ اۋداندارىندا 5 ينفەكتسييالىق ستاتسيونار اشىلدى.
ٶڭٸردەگٸ جالپى تٶسەك قورىنىڭ سانى 1 799 ورىنعا جەتكٸزٸلٸپ, رەانيماتسييالىق تٶسەك سانى 118-گە دەيٸن ارتتى. وسى ستاتسيونارلاردا بٷگٸنگٸ كٷنٸ 944 ادام ەم قابىلداپ جاتىر, ونىڭ ٸشٸندە 39 بالا, 95 جٷكتٸ جەنە بوسانعان ەيەل. تٶسەك ورىنداردىڭ تولىمدىلىعى – 62%. ال, جانساقتاۋ بٶلٸمدەرٸنٸڭ تولىمدىعى - 90% (107 ادام).
وبلىس ەكٸمٸ ورىنباسارىنىڭ ايتۋىنشا, مەديتسينالىق پەرسونال تولىق ٸرٸكتەلدٸ, دەرٸلٸك پرەپاراتتار مەن جەكە قورعانىس قۇرالدارىنىڭ قاجەتتٸ قورى دايىن. قوسىمشا موبيلدٸ بريگادالار قۇرىلىپ, ولاردىڭ سانى 120 بريگاداعا دەيٸن ۇلعايتىلدى, ولارعا 20 اۆتوكٶلٸك بٶلٸنگەن.
