Foto: ashyq derekkóz
Qarjylyq monitoring agenttiginiń (QMA) Mańǵystaý oblysy boiynsha departamenti «Sax Invest» qarjy piramidasynyń uiymdasqan qylmystyq tobyna qatysty tergeýdi jalǵastyrýda, dep habarlaidy Ult.kz.
Kompaniia ózin investitsiialyq qor, baǵaly qaǵazdar iesi jáne Afrikada almaz óndirý jobasynyń qatysýshysy retinde kórsetip, myńnan astam salymshydan 9 mlrd teńgeden astam qarajat tartqan.
Tergeý nátijesinde bul qarajattyń basym bóligi piramidany uiymdastyrýshy Mendyǵalievtiń jeke shotyna aýdarylyp, kelesi maqsattarǵa jumsalǵan:
-
2 mlrd teńge kazino shyǵyndaryna,
-
28 mln teńge «Blaisiko» kompaniiasynyń úlesin satyp alýǵa,
-
70 mln teńge eki páter satyp alýǵa,
-
120 mln teńge jeke úi qurylysyna,
-
377 mln teńge sheteldik demalysqa,
-
53 mln teńge qyzynyń Londonda oqýyna.
Mendyǵaliev 2023 jyldyń basynda 143 salymshymen jalpy somasy 1,2 mlrd teńge mediativtik kelisimder jasasyp, 2023 jyldyń sońyna deiin 7 mlrd teńge qaitarýǵa ýáde bergen. Alaida, bul mindettemeler oryndalmady.
Quqyqtyq sharalar:
-
2024 jyldyń qarashasynda Mendyǵalievke halyqaralyq izdeý jariialandy.
-
Sot sanktsiiasymen kúdiktilerdiń 600 mln teńgeden astam múlkine tyiym salyndy, onyń ishinde:
-
4 páter, 2 jeke úi,
-
2 avtokólik,
-
10 myń USDT tsifrlyq aktivteri,
-
«ForteBank» jáne «Qazaqstan Halyq Banki» AQ-nyń baǵaly qaǵazdary.
-
Astana, Aqtóbe, Oral jáne Aqtaý qalalarynda piramidanyń bólimshelerin basqarǵan 10 adam kúdikti retinde tanyldy. Olardyń 7-ýi qamaýǵa alyndy.
Tergeý jalǵasýda.
