ماڭعىستاۋدا پيراميدا ۇيىمداستىرۋشىسى تۇرعىنداردان اقشا تارتىپ, ونى كازينوعا جۇمساعان

فوتو: اشىق دەرەككٶز

قارجىلىق مونيتورينگ اگەنتتٸگٸنٸڭ (قما) ماڭعىستاۋ وبلىسى بويىنشا دەپارتامەنتٸ «Sax Invest» قارجى پيراميداسىنىڭ ۇيىمداسقان قىلمىستىق توبىنا قاتىستى تەرگەۋدٸ جالعاستىرۋدا, دەپ حابارلايدى Ult.kz.

كومپانييا ٶزٸن ينۆەستيتسييالىق قور, باعالى قاعازدار يەسٸ جەنە افريكادا الماز ٶندٸرۋ جوباسىنىڭ قاتىسۋشىسى رەتٸندە كٶرسەتٸپ, مىڭنان استام سالىمشىدان 9 ملرد تەڭگەدەن استام قاراجات تارتقان.

تەرگەۋ نەتيجەسٸندە بۇل قاراجاتتىڭ باسىم بٶلٸگٸ پيراميدانى ۇيىمداستىرۋشى مەندىعاليەۆتٸڭ جەكە شوتىنا اۋدارىلىپ, كەلەسٸ ماقساتتارعا جۇمسالعان:

• 2 ملرد تەڭگە كازينو شىعىندارىنا,

• 28 ملن تەڭگە «بلايسيكو» كومپانيياسىنىڭ ٷلەسٸن ساتىپ الۋعا,

• 70 ملن تەڭگە ەكٸ پەتەر ساتىپ الۋعا,

• 120 ملن تەڭگە جەكە ٷي قۇرىلىسىنا,

• 377 ملن تەڭگە شەتەلدٸك دەمالىسقا,

• 53 ملن تەڭگە قىزىنىڭ لوندوندا وقۋىنا.

مەندىعاليەۆ 2023 جىلدىڭ باسىندا 143 سالىمشىمەن جالپى سوماسى 1,2 ملرد تەڭگە مەدياتيۆتٸك كەلٸسٸمدەر جاساسىپ, 2023 جىلدىڭ سوڭىنا دەيٸن 7 ملرد تەڭگە قايتارۋعا ۋەدە بەرگەن. الايدا, بۇل مٸندەتتەمەلەر ورىندالمادى.

قۇقىقتىق شارالار:

• 2024 جىلدىڭ قاراشاسىندا مەندىعاليەۆكە حالىقارالىق ٸزدەۋ جارييالاندى.

• سوت سانكتسيياسىمەن كٷدٸكتٸلەردٸڭ 600 ملن تەڭگەدەن استام مٷلكٸنە تىيىم سالىندى, ونىڭ ٸشٸندە:

  • 4 پەتەر, 2 جەكە ٷي,

  • 2 اۆتوكٶلٸك,

  • 10 مىڭ USDT تسيفرلىق اكتيۆتەرٸ,

  • «ForteBank» جەنە «قازاقستان حالىق بانكٸ» اق-نىڭ باعالى قاعازدارى.

استانا, اقتٶبە, ورال جەنە اقتاۋ قالالارىندا پيراميدانىڭ بٶلٸمشەلەرٸن باسقارعان 10 ادام كٷدٸكتٸ رەتٸندە تانىلدى. ولاردىڭ 7-ۋٸ قاماۋعا الىندى.

تەرگەۋ جالعاسۋدا.