Foto: UQK
Aqtaý qalalyq soty terakti jasaýǵa árekettendi jáne terrorizmdi nasihattady dep aiyptalǵan qala turǵynyn sottady. Ulttyq qaýipsizdik komitetiniń málimetinshe, ol terakt jasaý úshin qoldan jasalǵan jarylǵysh qurylǵynyń komponentterin satyp alǵan, dep habarlaidy Ult.kz.
«Sonyń ishinde ziian keltiretin elementter — bolttar men shegeler. Shabýyl nysandary retinde Mańǵystaý oblysyndaǵy memlekettik mekemelerdiń ǵimarattaryn tańdaǵan, ol jerlerdi foto jáne beinetúsirilim arqyly zerttegen», — dep habarlady UQK.
Sot ony 18 jylǵa bas bostandyǵynan aiyrdy. Aita ketsek, sottalýshy buryn kisi óltirgeni úshin sottalǵan bolatyn.
