Mańǵystaý oblysynda koronavirýs indetin juqtyrǵan alǵashqy adam qaitys boldy. Bul týraly qoǵamdyq kommýnikatsiia ortalyǵynda ótken brifing barysynda oblystyń bas memlekettik sanitar dárigeri E.Sydymanov málim etti, dep habarlaidy "Ult aqparat".
Qaitys bolǵan azamat - Munaily aýdanyndaǵy Batyr aýylynyń 40 jastaǵy turǵyny.
«Ol 20 sáýir kúni ystyǵy kóterilip, qatty aýyrǵan soń jedel-járdemge habarlasqan. Onyń jedel-járdem shaqyrtqanǵa deiin úiinde bir aptadai aýyrǵany anyqtaldy. Birden karantindik statsionarǵa jatqyzylyp, zerthanalyq synama alynǵan. Sóitip, Covid-19 virýsyn anyqtaityn test tapsyrady. Alǵashqy ret test nátijeleri teris bolǵan. Ekinshi ret test nátijeleri oń bolyp, naýqastan PTR diagnostikalyq zertteý nátijeleri boiynsha COVID-19 diagnozy naqtylandy. Áskeri qyzmetker Aqtaý qalasyn dezinfektsiialaý jumystaryna qatysqan eken. Marqumnyń artynda áieli men 5 balasy qaldy», delingen habarlamada.
Qazirgi ýaqytta naýqaspen jaqyn bailanysta bolǵan otbasy men ózge de áskeri bólimniń qyzmetkerleri aýrýhanaǵa jatqyzylǵan. Áskeri bólimde jáne marqumnyń úiindede zinfektsiialyq jumys júrgizilip jatyr. Epidemiiaǵa qarsy is- sharalar qolǵa alynǵan.
24 sáýirdegi jaǵdai boiynsha óńirde 20 adamnyń COVID-19 virýsyn juqtyrǵany anyqtaldy.
Aqtaýda – 11, Jańaózende – 4, Mańǵystaý aýdanynda – 4, Munaily aýdanynda – 1.
Jazylyp shyqqany – 4, qaitys bolǵan – 1.
Aýyrǵandardyń kontingenti boiynsha: Meditsina qyzmetkeri – 1 jaǵdai, politsiia qyzmetkerleri – 3 adam, áskeri qyzmetker – 1 jaǵdai, zeinetker – 2 jaǵdai jáne jumyssyzdar – 9 adam.
Qazir infektsiialyq statsionarda 15 naýqas em qabyldaýda. Onyń ishinde 1 naýqastyń jaǵdaiy turaqty aýyr.
Tirkelgen 20 naýqaspen qarym-qatysnasta bolǵan adamdar sany – 683, onyń ishinde jaqyn qatynasta – 161 adam, potentsialdy qatynasta – 522 adam anyqtaldy.
