Mańǵystaýlyq kópbalaly analardyń arasynda belsendileri jaldamaly páterlerdi jeke menshikke berý talabyn qoiyp otyr. Bul týraly Mańǵystaý oblysynyń ákimi Nurlan Noǵaev aitty, dep habarlaidy QazAqparat.
«Úleskerlik máselesi de turaqty baqylaýda. Qazirgi tańda 1 myń salymshyny qamtityn 8 problemalyq turǵyn úi nysany bar. Úleskerlerdiń máselesin sheshý maqsatynda arnaiy keńes jumys jasaidy», - dedi ol Úkimettiń keńeitilgen otyrysynda.
Nurlan Noǵaev ákimdik tarapynan jańa investorlardy tartý arqyly qurylysty jandandyrý boiynsha sharalar qabyldanyp jatqanyn atap ótti.
«Kópbalaly analardyń belsendileri áleýmettik qamsyzdandyrý máselesin sheshý jáne jaldamaly páterlerdi menshikke berý jóninde talap qoiyp otyr. Qazirgi tańda ákimdik tarapynan túsindirý jumysy júrgizilýde», - dedi óńir basshysy.
