Mańǵystaýda qoqysta jatqan itterdiń óleksesine qatysty turǵyndar shaǵymyn bildirdi, dep habarlaidy "Ult aqparat".
Áleýmettik jelide jariia bolǵan beinejazbada úlken shuńqyrda ashyq jatqan ittiń ólekseleri anyq baiqalady. Boljam boiynsha atalǵan jait Munaily aýdanyndaǵy Batyr aýylynyń mańynda bolǵan.
Mańǵystaý oblystyq aýyl sharýashylyǵy basqarmasy basshysynyń orynbasary Berdibek Marhabaev qazirgi ýaqytta máseleniń qazir tekserilip jatqanyn jetkizdi. Alaida izdeý jumystary júrgizilgenine qaramastan itterdiń óleksesi tabylmaǵan.
«Oqiǵa týraly beinejazba jariialanǵan soń basqarma mamandary izdeý jumystaryn bastady. Oblystyń Munaily aýdanyna qarasty Batyr aýylynyń ákimdigimen sóilestik. Eldimeken mańynan ittiń ólekseleri tabylmady. Ákimdik mamandary aýylda arnaiy joiý orny baryn atady. Budan bólek, Mańǵystaý aýdanynda bolǵany týraly boljam aityldy. Alaida aýdanda da bul oqiǵa tirkelmegen. Qazir tiisti jumystar qolǵa alynyp, jaǵdai boiynsha is-sharalar júzege asyrylady. Jurttan túsken shaǵym eskerýsiz qalmaidy», - dedi Berdibek Marhabaev.
Osyǵan deiin Aqtaýda qańǵybas itterdi aýlap, keiin ólekselerdi órteý kezinde shyqqan tútinge tunshyqqan turǵyndar shaǵymdanǵan edi. Buǵan qatysty Mańǵystaý oblystyq aýyl sharýashylyǵy basqarmasynyń basshylyǵy oqiǵanyń barlyǵy tiisti normalarǵa sáikes atqarylyp jatqanyn ataǵan bolatyn.
