ماڭعىستاۋدا قوقىستا جاتقان يتتەردٸڭ ٶلەكسەسٸنە قاتىستى تۇرعىندار شاعىمىن بٸلدٸردٸ, دەپ حابارلايدى "ۇلت اقپارات".
ەلەۋمەتتٸك جەلٸدە جارييا بولعان بەينەجازبادا ٷلكەن شۇڭقىردا اشىق جاتقان يتتٸڭ ٶلەكسەلەرٸ انىق بايقالادى. بولجام بويىنشا اتالعان جايت مۇنايلى اۋدانىنداعى باتىر اۋىلىنىڭ ماڭىندا بولعان.
ماڭعىستاۋ وبلىستىق اۋىل شارۋاشىلىعى باسقارماسى باسشىسىنىڭ ورىنباسارى بەردٸبەك مارحاباەۆ قازٸرگٸ ۋاقىتتا مەسەلەنٸڭ قازٸر تەكسەرٸلٸپ جاتقانىن جەتكٸزدٸ. الايدا ٸزدەۋ جۇمىستارى جٷرگٸزٸلگەنٸنە قاراماستان يتتەردٸڭ ٶلەكسەسٸ تابىلماعان.
«وقيعا تۋرالى بەينەجازبا جارييالانعان سوڭ باسقارما ماماندارى ٸزدەۋ جۇمىستارىن باستادى. وبلىستىڭ مۇنايلى اۋدانىنا قاراستى باتىر اۋىلىنىڭ ەكٸمدٸگٸمەن سٶيلەستٸك. ەلدٸمەكەن ماڭىنان يتتٸڭ ٶلەكسەلەرٸ تابىلمادى. ەكٸمدٸك ماماندارى اۋىلدا ارنايى جويۋ ورنى بارىن اتادى. بۇدان بٶلەك, ماڭعىستاۋ اۋدانىندا بولعانى تۋرالى بولجام ايتىلدى. الايدا اۋداندا دا بۇل وقيعا تٸركەلمەگەن. قازٸر تيٸستٸ جۇمىستار قولعا الىنىپ, جاعداي بويىنشا ٸس-شارالار جٷزەگە اسىرىلادى. جۇرتتان تٷسكەن شاعىم ەسكەرۋسٸز قالمايدى», - دەدٸ بەردٸبەك مارحاباەۆ.
وسىعان دەيٸن اقتاۋدا قاڭعىباس يتتەردٸ اۋلاپ, كەيٸن ٶلەكسەلەردٸ ٶرتەۋ كەزٸندە شىققان تٷتٸنگە تۇنشىققان تۇرعىندار شاعىمدانعان ەدٸ. بۇعان قاتىستى ماڭعىستاۋ وبلىستىق اۋىل شارۋاشىلىعى باسقارماسىنىڭ باسشىلىعى وقيعانىڭ بارلىعى تيٸستٸ نورمالارعا سەيكەس اتقارىلىپ جاتقانىن اتاعان بولاتىن.
