Mańǵystaý oblysynda 23 qazanda saǵat 00:00-den bastap karantin talaptary jeńildeidi. Bul týraly 21 qazanda oblystyń bas sanitar dárigeriniń qaýlysy shyqty, dep habarlaidy "Ult aqparat".
Óńirdiń kommýnikatsiia ortalyǵy taratqan málimetke sáikes, endi Mańǵystaýdaǵy saýda úilerine, saýda oiyn-saýyq ortalyqtaryna jáne jabyq bazarlarǵa senbi kúnderi 17:00-ge deiin jumys isteýge ruqsat etildi. Alaida, jeksenbi kúni jumys istemeidi.
Sondai-aq, sport zaldaryna qashyqtyqty saqtap, betperde rejimin ustanyp tolymdylyǵy 30% - dan aspaityn adammen óz qyzmetin jandandyrýǵa ruqsat berildi.
Budan bólek, osy qaýipsizdik sharalaryn saqtai otyryp, 26 qazannan bastap kinoteatrlar ashylady. Ol jumys kúnderi (1-5 kúnderi) saǵat 22:00 ge deiin, senbi kúni 17:00 - ge deiin jumys isteýge ruqsat. Al, jeksenbi kúni jumysyn toqtatady.
Mańǵystaýda áli de balabaqshalar (kezekshi toptardan bólek) biliard, kompiýter klýbtary, oiyn-saýyq mekemeleri men banket zaldary jáne túngi klýbtardyń jumys isteýine tyiym salynǵan.
