Foto: ashyq derekkóz
Mańǵystaý oblysynyń prokýratýrasy kásipkerlik salasynda memlekettik baqylaý júrgizý kezinde zańdylyqtyń saqtalýyna taldaý jasady, dep habarlaidy Ult.kz.
Tekserý qorytyndysynda ártúrli ýákiletti organdardyń laýazymdy tulǵalary tarapynan negizsiz tekserýler taǵaiyndaý jáne kásipkerlik qyzmetke zańsyz aralasý boiynsha 17 quqyqbuzýshylyq deregi anyqtaldy.
Osyǵan bailanysty prokýratýra qabyldaǵan sharalardyń nátijesinde 17 laýazymdy tulǵa ákimshilik jaýapkershilikke tartyldy. Olar Ákimshilik quqyqbuzýshylyq týraly kodekstiń 173 jáne 175-baptary boiynsha jazalandy.
Zańbuzýshylyqtar Aqtaý qalasynda, sondai-aq Mańǵystaý, Munaily, Qaraqiia, Túpqaraǵan jáne Beineý aýdandarynda tirkeldi. Naqtyraq aitqanda, zańsyz tekserýler júrgizý, qyzmetter úshin tólem jasaýdan negizsiz bas tartý, negizsiz talap aryzdar berý, qujattardy zańsyz alý jáne tekserýlerdi tirkeý tártibin buzý faktileri anyqtaldy.
Prokýratýra kásipkerlerdiń quqyqtaryn qorǵaýdy ári qarai jalǵastyrady jáne árbir anyqtalǵan zańbuzýshylyq boiynsha tiisti sharalar qabyldanatynyn málimdedi.
