Bul derek boiynsha ákimdik ekologtarmen birlesip jumys tobyn quryp, aýmaqty zertteý jumystary júrgizildi.
Tolyq tekserý barysynda ólgen itbalyqtardyń jalpy sany esepteldi - 64, sondai-aq bes bekire balyǵy tabyldy.
"Jaǵaǵa itbalyqtar men balyqtardyń ólekseleri shyǵýy bir kún buryn soqqan ońtústik-batys jeliniń saldarynan boldy. Olar qatty ydyrap, shirip jatyr. Zerthanalyq zertteý jasaý úshin ólgen janýarlardan synamalar alynyp, tońazytqysh kamerasyna qoiyldy. Sondai-aq, sý men aýa synamasy da alyndy", - dedi Mańǵystaý oblystyq balyq inspektsiiasy basqarmasynyń ókilderi.
26 sáýirden beri Kaspii jaǵalaýynda óli itbalyqtar tabylyp jatyr.
Mamyrdyń basynda ekologiia, geologiia jáne tabiǵi resýrstar ministri Serikqali Brekeshev qazirdiń ózinde jaǵadan 100-ge jýyq janýardyń óleksesi tabylǵanyn aitqan.
"Itbalyqtardyń ólimine bailanysty mamandar oqiǵa 3-4 ai buryn bolýy múmkin deidi. Bul - qys mezgili, áli muz erimegen kez. Sondyqtan ólekse saqtalǵan. Olar muzda boldy. Muz erigennen keiin, maidyń áserinen qalqyp, jel jaǵaǵa shyǵarǵan", - degen edi ol.
Sondai-aq, ol janýarlardyń qyrylýy men NCOC kompaniiasynyń Soltústik Kaspiidegi jumystary arasyndaǵy bailanysty joqqa shyǵarǵan.
